ලෝක වෙළෙඳපොළේ රන් මිල ඉහළ යාමට සාපේක්ෂව රිදී සහ ප්ලැටිනම් මිල ගණන් ද අද (23) වාර්තාගත ලෙස ඉහළ ගොස් තිබේ.
විදෙස් වාර්තාවලට අනුව රිදී අවුන්සයක මිල අමෙරිකානු ඩොලර් 96.58ක් දක්වා ඉහළ ගොස් ඇති අතර, එය ග්රෑම් ඒකකයකින් ගණනය කළහොත් රිදී ග්රෑම් එකක මිල ඩොලර් 3.10ක් (රුපියල් 930ක් පමණ) වේ.
ප්ලැටිනම් මිල ද 4.6%කින් ඉහළ යමින් අවුන්සයක් ඩොලර් 2,601.03ක් ලෙස සටහන් වූ අතර, ඒ අනුව ප්ලැටිනම් ග්රෑම් එකක නවතම මිල ඩොලර් 83.62ක් (රුපියල් 25,000කට අධික) දක්වා ඉහළ ගොස් ඇත.
අමෙරිකානු ඩොලරය දුර්වල වීම සහ පවතින ගෝලීය ආර්ථික අස්ථාවරත්වය හේතුවෙන් ආයෝජකයන් රන් මෙන්ම රිදී සහ ප්ලැටිනම් කෙරෙහි ද වැඩි විශ්වාසයක් තැබීම මෙම මිල ඉහළ යාමට හේතු වී තිබේ.
