ලොව ප්රථම වරට මානවරූපී ගර්භණී රොබෝවක් ලබා දීමට චීන තාක්ෂණික සමාගමක් අවධානය යොමු කර තිබෙන බව එරට මාධ්ය පවසා සිටිනවා.
කළලයක් පිළිසිඳ ගැනීමේ සිට දරු උපත දක්වා ගර්භණී කාලයක් දැරිය හැකි කුසක් සහිත රොබෝවරුන් නිර්මාණය කිරීමේ තාක්ෂණය අත්හදා බැලෙන්නේ ගුවාංෂු නගරයේ Kaiwa Technology නම් සමාගම විසින්
එහි අරමුණ වන්නේ මිනිස් හැඩතලයෙන් යුත් රොබෝවක උදරය තුළ කෘත්රිම ගර්භාශය පිහිටුවා, සම්පූර්ණ මාස දහය පුරා ගර්භණී භාවය පවත්වා අවසානයේ ළදරුවක් බිහි කිරීමයි.
කෙසේ වෙතත්, ඩිම්බ සංසේචන කාර්ය සිදුවන්නේ කෙලෙසද යන්න මෙතෙක් පැහැදිලි කර නැහැ.
චීන මාධ්ය වාර්තා අනුව, මෙම “ගර්භණී රොබෝව” 2026 වන විට වෙළඳපොළට නිකුත් කිරීමට නියමිතයි
මෙම පුවත සමාජය තුළ දැඩි සංවාදයක් ඇති කර ඇති අතර සමහරුන් නීතිමය හා ආචාරශීලී ගැටලු පිළිබඳව සංවාදයේ යෙදෙන අතර පිරිසක් අනාගතයේ බලාපොරොත්තු සහ උපත් අපහසුතාවයට මුහුණ දෙන අය සඳහා විසඳුමක් ලෙස මෙය දැක තිබෙනවා.
