පෙබරවාරි 05 – ශ්රී ලංකාව සහ ඉන්දියාවේ සමසත්කාරකත්වයෙන් අනිද්දා (07) ආරම්භ වීමට නියමිත විස්සයි විස්ස ලෝක කුසලාන ක්රිකට් තරගාවලියට වර්ෂාවෙන් බාධා එල්ල විය හැකි බවට කාලගුණ අනාවැකි පළ වී තිබේ. ඉදිරි දින කිහිපය තුළ කොළඹ ප්රදේශයට වැසි සහිත කාලගුණයක් පවතිනු ඇතැයි පුරෝකථනය කර ඇති අතර, තරගාවලිය ආරම්භ වන දිනයේ ද වර්ෂාව පවතිනු ඇතැයි අපේක්ෂා කෙරේ. ඊයේ (04) පකිස්ථානය සහ අයර්ලන්තය අතර පැවැත්වීමට තිබූ පුහුණු තරගය ද වර්ෂාව හේතුවෙන් අත්හැර දැමීමට සිදු වූ අතර, අද (05) කොළඹදී පැවැත්වීමට නියමිත පුහුණු තරග සඳහා ද වර්ෂාවෙන් බාධා එල්ල වීමේ ඉහළ සම්භාවිතාවක් පවතී.
කෙසේ වෙතත්, ඉන්දියාවේ තරග පැවැත්වෙන ප්රදේශවලට මෙතෙක් වර්ෂා අවදානමක් වාර්තා වී නොමැති අතර, ශ්රී ලංකාවේ රාත්රී කාලයේ පැවැත්වෙන තරග සඳහා වර්ෂාවෙන් සිදුවන බලපෑම අවම වනු ඇතැයි ද විශ්වාස කෙරේ. වර්ෂාව හේතුවෙන් තරග සෝදාපාළුවට ලක් වුවහොත් ලෝක කුසලාන ප්රසාද ලකුණු සටහනට එය තීරණාත්මක බලපෑමක් එල්ල කරනු ඇතැයි ක්රිකට් විචාරකයෝ පවසති.
