සෙලාන් බැංකුව සිය සමාජ තිරසාරත්ව ව්යාපෘතියේ තවත් එක් සන්ධිස්ථානයක් සනිටුහන් කරමින් 291 වැනි ‘පැහැසර’ පුස්තකාලය 2026 මාර්තු 27 වන දින පදවි පරාක්රමපුර අ/බුද්ධංගල මධ්ය මහා විද්යාලයේදී විවෘත කළේය. මෙම අවස්ථාවට කලාප අධ්යාපන අධ්යක්ෂ (කැබිතිගොල්ලෑව) රුවන් මෛත්රීපාල, කොට්ඨාශ අධ්යාපන අධ්යක්ෂ (පදවිය) ටී.පී. ජයසිංහ, විදුහල්පති කපිල එස්. කුමාර, සෙලාන් බැංකුවේ උතුරු මැද පළාත් ප්රාදේශීය කළමනාකරු ජනන්ද රත්නායක සහ පදවිය ශාඛා කළමනාකරු නීල් නිශාන්ත යන මහත්වරුන් ඇතුළු පිරිසක් සහභාගී වූහ.
පුස්තකාලය නිල වශයෙන් භාරදීමට පෙර, සෙලාන් බැංකුව සහ පාසල එක්ව ‘පැහැසර සතිය’ නමින් වැඩසටහන් මාලාවක් මාර්තු 24 සහ 26 දිනවල පවත්වන ලදී. සිසුන්ගේ කුසලතා වැඩිදියුණු කිරීම අරමුණු කරගත් මෙම වැඩසටහනට ක්රිකට් තරගයක්, ටිකිරි පොළ වැඩසටහනක් සහ චිත්ර තරගයක් ඇතුළත් විය. විශේෂයෙන්ම 10 සහ 11 ශ්රේණිවල සිසුන් සඳහා මූල්ය කළමනාකරණයේ මූලිකාංග හඳුන්වා දෙන මූල්ය සාක්ෂරතා වැඩමුළුවක් ද මෙහිදී පැවැත්විණි.
මෙම ප්රජා සත්කාරයේ කොටසක් ලෙස, සෙලාන් බැංකුව විසින් පාසලේ ඩිජිටල් අධ්යාපන පහසුකම් නැංවීම සඳහා ලැප්ටොප් පරිගණකයක් සහ ස්මාර්ට් පුවරුවක් (Smart Board) ද පරිත්යාග කරන ලදී.
රට පුරා පැහැසර පුස්තකාල 300 ක් විවෘත කිරීමේ ඉලක්කය කරා ගමන් කරන බවත්, අනාගත පරපුරේ දැනුම හා කුසලතා නැංවීමට අවශ්ය අධ්යාපනික සම්පත් පිරිනැමීම අඛණ්ඩව සිදුකරන බවත් සෙලාන් බැංකුවේ සහකාර සාමාන්යාධිකාරී (අලෙවි හා විකුණුම්) ආසිරි අභයරත්න මහතා ප්රකාශ කළේය. 2013 වසරේදී ආරම්භ කළ මෙම දීර්ඝකාලීන ව්යාපෘතිය මගින් පාසල් පුස්තකාලවල යටිතල පහසුකම් වැඩිදියුණු කිරීම සහ පොත්පත් පරිත්යාග කිරීම සිදුකරනු ලබයි.
