නව ව්යවස්ථා සංශෝධනය අද උදෑසන කැබිනට් මණ්ඩලය වෙත ඉදිරිපත් කරනු ලැබීය.
අධිකරණ අමාත්ය අලී සබ්රි මහතා පසුගියදා සඳහන් කර සිටියේ 20 වන ව්යවස්ථා සංශෝධනය ඉතා ඉක්මනින් පාර්ලිමේන්තුවට ඉදිරිපත් කරන බවයි.
නීතිපතිවරයා විසින් අධිකරණ අමාත්යංශයේ ලේඛම්වරයා වෙත, 20 වන කෙටුම්පත් සංශෝධනය පාර්ලිමේන්තුව විසින් 2/3 බහුතරයකින් සම්මත කරගත හැකි බව දන්වා ඇතැයි සඳහන් වේ.
මෙම ව්යවස්ථා සංශෝධනයේ නීතිමය පසුබිම විමසීමට 20 වන ව්යවස්ථා සංශෝධන කෙටුම්පත නීතිපතිවරයා වෙත අධිකරණ අමාත්යංශ ලේකම්වරයා විසින් ඊයේ (01) යොමුකර ඇත.
කෙටුම්පත කොමිසමක් මගින් විමසීමෙන් පසු නීතිපතිවරයා අධිකරණ අමාත්යංශ ලේකම්වරයා වෙත දන්වා යවා ඇත්තේ පාර්ලිමේන්තුවේ 2/3 බලයකින් ව්යවස්ථා සංශෝධනය සිදුකල හැකි බවයි.
එමෙන්ම ඒ සඳහා ජනමත විචාරණයක් අවශ්ය නොවන බවත් නීතිපතිවරයා දන්වා ඇත.
