නව අමාත්‍ය මණ්ඩලය අද දිනයේදී දිවුරුම් දෙන බව එක්සත් ජාතික පක්ෂයේ අභ්‍යන්තර තොරතුරු ආරංචි මාර්ග පවසයි. එම ආරංචි මාර්ග කියා සිටියේ අද දිනයේදී අමාත්‍ය මණ්ඩලය පත් කිරීමට සියළු කටයුතු සුදානම් බවයි.
එසේම නිල නොවන ආරංචි කියා සිටියේ ජනාධිපතිවරයා විසින් එක්සත් ජාතික පක්ෂයේ තිදෙනෙකුට ඇමැති ධුර ලබා දීමට අකමැත්ත පල කර ඇති බවයි. ඒ මලික්, සරත්, රවි යන මන්ත්‍රීවරුන් තිදෙනාට බව වාර්තා වේ. කෙසේ නමුත් එක්සත් ජාතික පක්ෂය ප්‍රබලයින් පවසා ඇත්තේ මොවුන් තිදෙනාට අනිවාර්යෙන්ම ඇමැති ධුර ලබා දිය යුතු බවයි. මේ අතර තවමත් ජනාධිපතිවරයා හා අග්‍රාමාත්‍යවරයා අතර කිසිදු අවසන් එකඟතාවයක් අමාත්‍ය මණ්ඩලය පත් කිරීමේදී පැමැණ නොමැති බව වාර්තා වේ.
මේ අතර ආණ්ඩුවට ඊයේ (18 දා) එක්වූ ශ්‍රීලනිප මන්ත්‍රීවරුන් වන විජිත් විජයමුණි සොයිසා, ලක්‍ෂ්මන් සෙනෙවිරත්න සහ ඉන්දික බණ්ඩාරනායක යන අයටත් අමාත්‍ය ධුර ලබා නොදෙන බව ජනාධීපතිවරයා පවසා තිබේ.
