ලොව ප්රමුඛ පෙළේ කාර්මික නිෂ්පාදන දැවැන්තයෙකු වන 3M සමාගම, 2026 වසරේ පළමු කාර්තුව සඳහා අපේක්ෂිත මට්ටමට වඩා ඉහළ ලාභයක් වාර්තා කිරීමට සමත් වී තිබේ. උද්ධමනය සහ විදේශීය වෙළෙඳ බදු (Tariffs) හේතුවෙන් එල්ල වූ පීඩනය මධ්යයේ වුවද, දැඩි වියදම් පාලන ක්රමවේද, නිෂ්පාදන මිල ගණන් ඉහළ නැංවීම සහ වෙළෙඳපොළට හඳුන්වා දුන් නව නිෂ්පාදන මෙම වර්ධනයට මූලික වී ඇත.
අද (21) නිකුත් වූ මූල්ය වාර්තාවලට අනුව, සමාගමේ පළමු කාර්තුවේ සශෝධිත ලාභය එක් කොටසක් සඳහා ඩොලර් 2.14ක් ලෙස සටහන් වේ. මෙය පසුගිය වසරේ අදාළ කාලසීමාවේදී වාර්තා වූ ඩොලර් 1.88ක අගයට වඩා සැලකිය යුතු වර්ධනයකි. ගෝලීය ආර්ථික අභියෝග මධ්යයේ වුවද මෙවැනි ලාභයක් ලැබීමට හැකි වීම සමාගමේ ශක්තිමත් කළමනාකරණ පිළිවෙත විදහා දක්වන්නක් බව ආර්ථික විශ්ලේෂකයෝ පෙන්වා දෙති.
