නැගෙනහිර පළාතේ සංවර්ධන වැඩසටහන් ක්රියාත්මක කරමින් එහි ප්රතිලාභ ජනතාව වෙත සමීප කරවීම වෙනුවෙන් ජාතික ප්රතිපත්ති, ආර්ථික කටයුතු, නැවත පදිංචි කිරීම හා පුනරුත්ථාපන, උතුරු පළාත් සංවර්ධන සහ යෞවන කටයුතු අමාත්යාංශය විසින් 2019 වර්ෂය තුල රුපියල් මිලියන 7,346 ක මුදලක් වෙන් කරමින් ව්යාපෘති 14,225 ක් ක්රියාත්මක කර තිබෙන බව අමාත්යාංශ ලේකම් වී. සිවඥානසෝතී මහතා පවසයි.
ජාතික ප්රතිපත්ති, ආර්ථික කටයුතු, නැවත පදිංචි කිරීම හා උතුරු පළාත් සංවර්ධන හා යෞවන කටයුතු අමාත්ය හා අග්රාමාත්ය රනිල් වික්රමසිංහ මහතාගේ මග පෙන්වීම යටතේ මෙම සංවර්ධන වැඩසටහන් ක්රියාවට නංවා තිබේ. නැගෙනහිර පළාතට අයත් ත්රිකුණාමලය, මඩකලපුව සහ අම්පාර යන දිස්ත්රික්ක තුනෙහි මෙම වැඩසටහන් ක්රියාත්මක වේ.
ඒ අනුව නැවත පදිංචි කිරීම, පුනරුත්ථාපන හා උතුරු පළාත් සංවර්ධනය සදහා වූ කාර්යාලය විසින් අවතැන්වූ හා සරණාගතයින් ලෙස යළි පදිංවි වන ජනතාව වෙනුවෙන් නිවාස 1,772 ක් ඉදිකිරීමට නියමිත අතර ඒ වෙනුවෙන් වෙන් කර ඇති මුදල රුපියල් මිලියන 1,772 කි. නිවාස බොහොමයක් මේ වනවිට ප්රතිලාභී අයිතියට පවරා ඇති අතර අනෙකුත් නිවාස මෙම වසර අවසන් වීමට පෙර ප්රතිලාභී අයිතියට පැවරීමට නියමිතව ඇත.
සනීපාරක්ෂක ව්යාපෘති 1,172 ක් ක්රියාත්මක අතර ඒ සදහා වෙන් කර ඇති මුදල රුපියල් මිලියන 82 කි. අභ්යන්තර මාර්ග හා ප්රෙව්ශ මාර්ග සංවර්ධනය වෙනුවෙන් වෙන් කර ඇති මුදල රුපියල් මිලියන 107 කි. පානීය ජල ව්යාපෘති 1,330 ක් සදහා වැය කර ඇති මුදල රුපියල් මිලියන 36 කි. අධ්යාපන සංවර්ධනය යටතේ ගොඩනැගිලි ඉදිකිරීම, ස්මාර්ට් පන්ති කාමර ඉදි කිරීම සදහා රුපියල් මිලියන 137 ක් වැය කර ඇති බව අමාත්යාංශ ලේකම් වී.සිවඥානසෝතී මහතා කියා සිටියේය.
කුඩා ව්යාපාර සංවර්ධනය වෙනුවෙන් රුපියල් මිලියන 40 ක්, නැගෙනහිර පළාතේ කෘෂිකර්මාන්තය නගා සිටුවීම සදහා රුපියල් මිලියන 56 ක්, ධීවර කර්මාන්තය නගා සිටුවීම වෙනුවෙන් රුපියල් මිලියන 25 ක් සහ වෙනත් විශේෂ ව්යාපෘති සදහා රුපියල් මිලියන 36 ක් වෙන් කර තිබේ.
ගම්පෙරළිය විශේෂ වැඩසටහන යටතේ ජාතික ප්රතිපත්ති, ආර්ථික කටයුතු, නැවත පදිංචි කිරීම හා පුනරුත්ථාපන, උතුරු පළාත් සංවර්ධන සහ යෞවන කටයුතු අමාත්යාංශය විසින් නැගෙනහිර පළාතේ සංවර්ධන කටයුතු වෙනුවෙන් රුපියල් මිලියන 4141 ක මුදලක් වෙන්කරමින් ව්යාපෘති 9,649 ක් ක්රියාවට නංවා ඇත.
මෙයට අමතරව ග්රාමීය යටිතල පහසුකම් සංවර්ධනය කිරීමේ ව්යාපෘතිය යටතේ නැගෙනහිර පළාතේ ග්රාමීය යටිතල පහසුකම් සංවර්ධනය කිරීම වෙනුවෙන් රුපියල් මිලියන 920ක මුදලක් වෙන් කර ඇති බව ජාතික ප්රතිපත්ති, ආර්ථික කටයුතු, නැවත පදිංචි කිරීම හා පුනරුත්ථාපන, උතුරු පළාත් සංවර්ධන සහ යෞවන කටයුතු අමාත්යාංශ ලේකම් වී.සිවඥානසෝති මහතා වැඩිදුරටත් අනාවරණ කළේය.
