ඉරාන යුද්ධය හේතුවෙන් ඉන්ධන සැපයුම සහ නාවික ගමනාගමනය අඩාල වීම නිසා අප්රිකාව පුරා ක්රියාත්මක වන ජීවිතාරක්ෂක සහන සේවා දැඩි අර්බුදයකට ලක්ව ඇති බව ජාත්යන්තර මුදාගැනීමේ කමිටුව (International Rescue Committee – IRC) අනතුරු අඟවයි. හෝමුස් සමුද්ර සන්ධියේ (Strait of Hormuz) පවතින නොසන්සුන්තාවය සහ සැපයුම් ජාල බිඳවැටීම හේතුවෙන් අප්රිකානු රටවල කුසගින්න සහ දරිද්රතාවය ශීඝ්රයෙන් ඉහළ යමින් පවතී.
ඉන්ධන මිල ඉහළ යාම සහ නෞකා ප්රමාද වීම නිසා රෝහල් පවත්වාගෙන යාම, ගිලන්රථ සේවා සහ අත්යවශ්ය ආහාර ද්රව්ය බෙදාහැරීම බරපතල ලෙස අඩාල වී තිබේ. IRC හදිසි අවස්ථා පිළිබඳ උප සභාපති බොබ් කිචන් (Bob Kitchen) පවසන්නේ, ගෝලීය අර්බුදයක් මානුෂීය ව්යසනයක් බවට පත්වන ආකාරය මෙයින් මනාව පැහැදිලි වන බවයි. ඉන්ධන හිඟය සහ සැපයුම් ප්රමාදය නිසා සේවා සැපයීම නතර වී ඇති අතර, ආහාර මිල ඉහළ යාම හේතුවෙන් මිලියන සංඛ්යාත ජනතාවකගේ සෞඛ්ය රැකවරණය ද අහිමි වී ඇත.
පසුගිය වසරේදී මානුෂීය ආධාර සඳහා වෙන් කළ ප්රතිපාදන කපා හැරීමත් සමඟ මෙම නව තත්ත්වය තවදුරටත් උග්ර වී තිබේ. යුදමය වාතාවරණය හේතුවෙන් අප්රිකාවේ වඩාත් අවදානමට ලක්විය හැකි කලාපවලට සහන සැලසීමේ හැකියාව සීමා වී ඇති අතර, ජාත්යන්තර ප්රජාවේ කඩිනම් මැදිහත්වීමක් නොමැති වුවහොත් මෙය මහා පරිමාණ මානුෂීය විනාශයකට මගපාදනු ඇතැයි සහන සංවිධාන බිය පළ කරයි.
