කොළඹ කොටස් වෙළඳපොළේ ලැයිස්තුගත ප්රමුඛ සමාගමක් වන Chevron Lubricants Lanka PLC (LLUB), 2025 වසරේදී රුපියල් බිලියන 24.39ක වාර්තාගත පිරිවැටුමක් ලබා ගනිමින් තම 32 වසරක ඉතිහාසයේ සුවිශේෂී සන්ධිස්ථානයක් සනිටුහන් කර ඇත. සමාගමේ ශුද්ධ ඉපැයීම් ප්රථම වතාවට රුපියල් බිලියන 4 සීමාව ඉක්මවා ගොස් ඇති අතර, මෙය මෙරට ලිහිසි තෙල් ක්ෂේත්රය තුළ සමාගම ලැබූ දැවැන්තම මූල්ය ජයග්රහණය ලෙස සැලකේ.
2025 ජනවාරි සිට දෙසැම්බර් දක්වා කාලය තුළ විකුණුම් පරිමාවේ සිදු වූ සැලකිය යුතු වර්ධනය මෙම වාර්තාගත ආදායමට ප්රධාන හේතුව වී තිබේ. මෙම සාර්ථකත්වය නිසාම සිය කොටස්හිමියන් වෙත වසර නවයකට පසු ලැබුණු ඉහළම ලාභාංශය ලෙස කොටසකට රුපියල් 16ක් ලබා දීමටත්, වසර පහකට පසු වාර්තා වූ ඉහළම ලාභාංශ ගෙවීමේ ප්රතිශතය වන 95%ක් පවත්වා ගැනීමටත් සමාගමට හැකියාව ලැබී ඇත.
1992 වසරේ සිට මෙරට ක්රියාත්මක වන Chevron Lanka සමාගම, වර්තමානයේ තරඟකරුවන් 35 දෙනෙකු සිටියද ලිහිසි තෙල් ක්ෂේත්රයේ නොසැලෙන වෙළඳපොළ ප්රමුඛයා ලෙස තවදුරටත් රැඳී සිටියි. Caltex, Havoline සහ Delo යන සුප්රකට සන්නාම යටතේ නිෂ්පාදන අලෙවි කරන මොවුන්, මෙරට අවශ්යතා සපුරාලීමට අමතරව බංග්ලාදේශය සහ මාලදිවයින වෙත ද නිෂ්පාදන අපනයනය කරමින් විදේශ විනිමය උපයනු ලබයි.
