ජාත්යන්තර මූල්ය අරමුදලෙන් (IMF) ලැබීමට නියමිත ඇමරිකානු ඩොලර් මිලියන 700ක වටිනාකමකින් යුතු සිව්වන සහ පස්වන ණය වාරික එළඹෙන මැයි මාසය අවසන් වීමට පෙර ලබා ගැනීමට රජය අපේක්ෂා කරන බව ජනාධිපති අනුර කුමාර දිසානායක මහතා අද (07) පාර්ලිමේන්තුවේදී ප්රකාශ කළේය. මෙරටට පැමිණ සිටින මූල්ය අරමුදලේ නියෝජිත පිරිස සමඟ පවත්වනු ලබන සාකච්ඡාවලට අනුව, එළඹෙන බ්රහස්පතින්දා දිනය වන විට අදාළ නිල මට්ටමේ එකඟතාවයකට (Staff Level Agreement) එළඹීමට රජය සැලසුම් කර ඇති බව ද ජනාධිපතිවරයා මෙහිදී වැඩිදුරටත් අනාවරණය කළේය.
එම නිල මට්ටමේ එකඟතාවය බ්රහස්පතින්දා දිනය වන විට සාර්ථකව අවසන් කරගත හැකි වුවහොත්, ඉන් අනතුරුව නියමිත ක්රියාපටිපාටිය යටතේ සිව්වන සහ පස්වන වාරික දෙකම එකවර ශ්රී ලංකාවට හිමිවීමට නියමිතය. මෙරට ආර්ථික ස්ථාවරත්වය තහවුරු කිරීම සඳහා මෙම මූල්ය පහසුකම අතිශයින් තීරණාත්මක වන අතර, රජය ජාත්යන්තර මූල්ය අරමුදල සමඟ පවත්වන සාකච්ඡා ඉතා සුබවාදී මට්ටමක පවතින බව ද ජනාධිපතිවරයා පාර්ලිමේන්තුව හමුවේ අවධාරණය කළේය.
