මෑතකදී අවසන් වූ සමස්ත ලංකා වයස අවුරුදු 20 න් පහළ පැසිපන්දු ශූරතාවලියේදී මෙතික ජයසිංහ සහ බිනුති ජයසිංහ සහෝදර සහෝදරියන් විශිෂ්ට දස්කම් දක්වමින් ශූරතාවයන් මෙන්ම අදාළ කාණ්ඩවල වටිනාම ක්රීඩකයා සහ ක්රීඩිකාව (MVP) සම්මාන දිනා ගැනීමට සමත් වූහ. අප්රේල් 08 වනදා සිට 11 වනදා දක්වා පැවැති මෙම තරඟාවලියට ශ්රී ලංකාව පුරා විසිරී සිටින දක්ෂතම තරුණ ක්රීඩක ක්රීඩිකාවන් සහභාගී වූහ.
කොළඹ ශුද්ධ වූ පවුලේ කන්යාරාමය නියෝජනය කළ බිනුති ජයසිංහ බාලිකා අවසන් මහා තරඟයේදී ලකුණු 25 ක් ලබා ගනිමින් තම කණ්ඩායමට ජයග්රහණය උදා කර දුන්නාය. ඇය වයස අවුරුදු 17 න් පහළ ක්රීඩිකාවක වුවද 20 න් පහළ මට්ටමේ දස්කම් දක්වමින් MVP සම්මානය දිනා ගැනීම විශේෂත්වයකි. පිරිමි තරඟයේදී කොළඹ ශාන්ත ජෝසප් විද්යාලයීය කණ්ඩායමේ නායක මෙතික ජයසිංහ සිය කණ්ඩායම අවසන් තරඟයේ ජයග්රහණය කරා මෙහෙයවීය. මෙතිකා සිය වයස් කාණ්ඩයේ සියලුම පාසල් ශූරතාවන් කිසිදු පරාජයකින් තොරව දිනා ගනිමින් සුවිශේෂී වාර්තාවක් ද පිහිටුවා ඇත.
මෙම සහෝදර සහෝදරියන් දෙදෙනාම ජාතික මට්ටමේ ශූරතාවයන් සහ වටිනාම ක්රීඩකයාට හිමි ගෞරව සම්මාන ද්විත්වයම එකම වසරකදී දිනා ගැනීම ශ්රී ලාංකේය පැසිපන්දු ඉතිහාසයේ කැපී පෙනෙන සන්ධිස්ථානයකි. ඔවුන්ගේ මෙම දක්ෂතාව ශ්රී ලංකා පැසිපන්දු ක්රීඩාවේ අනාගතය පිළිබඳ සුබ ලකුණු පෙන්නුම් කරන බව ක්රීඩා විචාරකයෝ පවසති.
