පසුගිය පෙබරවාරි 28 වැනිදා සිට ක්රියාත්මක වන යුදමය තත්ත්වය හමුවේ ඉරානයට ආර්ථිකමය වශයෙන් බලපෑම් කිරීම සඳහා එරට සියලුම වරායන් අවහිර කිරීමට (Blockade) ඇමෙරිකානු හමුදාව පියවර ගෙන ඇති බව ජනාධිපති ඩොනල්ඩ් ට්රම්ප් ප්රකාශ කර තිබේ. සති හයක් පුරා හෝර්මුස් සමුද්ර සන්ධිය වසා දැමීම හේතුවෙන් ලෝක වෙළඳපොළේ තෙල් මිල දැඩි ලෙස ඉහළ ගොස් ඇති අතර, එම මුහුදු මාර්ගය යළි විවෘත කිරීමට ඉරානයට බල කිරීම මෙම ක්රියාවලියේ ප්රධාන අරමුණයි.
එක්සත් රාජධානියේ නාවික වෙළඳ මෙහෙයුම් නියෝජිතායතනය (UKMTO) සඳහන් කරන්නේ මෙම අවහිර කිරීම් ඉරාන වෙරළ තීරය, වරායන් සහ බලශක්ති යටිතල ව්යුහයන් දක්වා ව්යාප්ත වී ඇති බවයි. ඇමෙරිකානු නාවික හමුදාවේ මෙම දැඩි පියවරත් සමඟ හෝර්මුස් සමුද්ර සන්ධිය වෙත ගමන් කරමින් තිබූ තෙල් නැව් කිහිපයක් සිය ගමනාන්තය වෙනස් කර ඇති බව ‘MarineTraffic’ දත්ත මඟින් තහවුරු වේ.
සටන් විරාමය ආරම්භ වූ දින සිට මේ දක්වා දිනකට නෞකා 40ක් වැනි සුළු ප්රමාණයක් පමණක් මෙම මුහුදු මාර්ගය භාවිත කර ඇති අතර, එය යුද්ධයට පෙර පැවති තත්ත්වයට සාපේක්ෂව 60%ක පමණ පහත වැටීමකි. ඉරානයට අයත් නොවන ස්ථාන කරා ගමන් කරන නෞකාවලට මෙයින් බාධාවක් නොවන බව වාර්තා වුවද, කලාපය පුරා දැඩි මිලිටරිමය බලපෑමක් පවතින බැවින් නාවික ගමනාගමනය දැඩි අවදානමකට ලක්ව තිබේ.
