2029 වසරේ පැවැත්වීමට නියමිත ලෝක් සභාවේ (Lok Sabha) සහ ප්රාන්ත සභාවල මැතිවරණ, කාන්තා රක්ෂිත නීතිය (Women’s reservation) සම්පූර්ණයෙන්ම ක්රියාත්මක කරමින් පැවැත්වීම හරහා ඉන්දීය ප්රජාතන්ත්රවාදය වඩාත් ශක්තිමත් සහ විචිත්රවත් වනු ඇති බව අග්රාමාත්ය නරේන්ද්ර මෝදි අද (අප්රේල් 14) ප්රකාශ කළේය. රටේ කාන්තාවන් වෙත ලිපියක් යොමු කරමින් අග්රාමාත්යවරයා අවධාරණය කළේ ඉන්දියාවේ දියණියන්ට ඔවුන්ට හිමි විය යුතු අයිතිවාසිකම් ලබා ගැනීම සඳහා තවදුරටත් නිමක් නැතිව බලා සිටීමට ඉඩ දිය නොහැකි බවයි.
කාන්තාවන් විවිධ ක්ෂේත්රවලින් ඉහළ දස්කම් දක්වන වර්තමානයක, ව්යවස්ථාදායක ආයතන තුළ ඔවුන්ගේ සහභාගීත්වය වැඩි කිරීම අත්යවශ්ය කරුණක් බව ඔහු පෙන්වා දුන්නේය. මේ අනුව ‘නාරි ශක්ති වන්දනා අධිනියම්’ (Nari Shakti Vandan Adhiniyam) පනතේ සංශෝධන, ලබන අප්රේල් 16 වනදා ආරම්භ වන පාර්ලිමේන්තුවේ තෙදින විශේෂ සැසියේදී සම්මත කර ගත යුතු බවත්, එය තවදුරටත් ප්රමාද කිරීම ඉන්දීය කාන්තාවන්ට සිදු කරන අසාධාරණයක් බවත් මෝදි වැඩිදුරටත් සඳහන් කළේය.
මෙම පියවර මඟින් ඉන්දීය දේශපාලනය තුළ කාන්තාවන්ට හිමි තැන තහවුරු කිරීමටත්, රටේ තීරණ ගැනීමේ ක්රියාවලියට ඔවුන්ව සෘජුව දායක කර ගැනීමටත් හැකි වනු ඇතැයි අග්රාමාත්යවරයා සිය නිල සමාජ මාධ්ය ගිණුම හරහා විශ්වාසය පළ කර තිබේ.
