අලුත් අවුරුදු උත්සව සමය වෙනුවෙන් ක්රියාත්මක කළ විශේෂ ප්රවාහන සේවාවන් හරහා අප්රේල් 09 වැනිදා සිට 13 වැනිදා දක්වා වූ කාලය තුළ රුපියල් මිලියන 600කට අධික ආදායමක් උපයා ගැනීමට ශ්රී ලංකා ගමනාගමන මණ්ඩලය (SLTB) සමත්ව තිබේ. ලංගම සභාපති සජීව කනගරත්න මහතා සඳහන් කළේ ඉන් වැඩිම ආදායම වන රුපියල් මිලියන 213ක මුදලක් අප්රේල් 11 වැනිදා පමණක් උපයා ඇති බවයි. ගම්බිම් බලා ගිය ජනතාවට යළි කොළඹ බලා පැමිණීම සඳහා හෙට (15) පස්වරුවේ සිට විශේෂ බස් රථ සේවාවන් ආරම්භ කරන අතර, එම සේවාව ලබන 21 වැනිදා දක්වා අඛණ්ඩව ක්රියාත්මක කිරීමට සැලසුම් කර ඇති බව ද සභාපතිවරයා වැඩිදුරටත් පැවසීය.
