දිවයිනේ පළාත් කිහිපයක පවතින උණුසුම් කාලගුණ තත්ත්වය සම්බන්ධයෙන් කාලගුණ විද්යා දෙපාර්තමේන්තුව විසින් විශේෂ අවවාදාත්මක නිවේදනයක් නිකුත් කර තිබේ. අද (14) පස්වරුවේ නිකුත් කරන ලද මෙම නිවේදනය හෙට (15) දිනය සඳහා ද වලංගු වන අතර, උතුරු, උතුරු-මැද, වයඹ, බස්නාහිර, නැගෙනහිර සහ දකුණු පළාත්වලත්, මොනරාගල දිස්ත්රික්කයේත් ඇතැම් ස්ථානවල උණුසුම් දර්ශකය “අවධානය යොමු කළ යුතු” මට්ටමක පවතිනු ඇතැයි අපේක්ෂා කෙරේ. වැඩි වශයෙන් ජලය පානය කිරීම, සෙවණ ඇති ස්ථානවල විවේක ගැනීම සහ දැඩි හිරු රශ්මියට නිරාවරණය වීම අවම කරගනිමින් සෞඛ්යාරක්ෂිතව පසුවන ලෙස එම දෙපාර්තමේන්තුව ජනතාවගෙන් ඉල්ලා සිටියි.
