ඇමෙරිකානු ශ්රේෂ්ඨාධිකරණයේ ජ්යෙෂ්ඨ ලිබරල් විනිසුරුවරියක වන සෝනියා සෝටෝමේයර් (Sonia Sotomayor), සිය සගයෙකු වන විනිසුරු බ්රෙට් කැවනෝ (Brett Kavanaugh) විවේචනය කරමින් පසුගියදා කළ ප්රකාශයක් සම්බන්ධයෙන් ඊයේ (15) ප්රසිද්ධියේ සමාව අයැද සිටියාය. ශ්රේෂ්ඨාධිකරණ විනිසුරුවරුන් අතර පවතින මතභේද මෙලෙස ප්රසිද්ධියට පත්වීම සහ ඒ වෙනුවෙන් සමාව අයැදීම ඉතා දුර්ලභ සිදුවීමක් ලෙස සැලකේ.
පසුගිය සැප්තැම්බර් මාසයේදී කැලිෆෝනියාවේ සංක්රමණික වැටලීම්වලට (Immigration raids) අනුමැතිය ලබා දීමට අදාළ නඩු තීන්දුවකදී කැවනෝ දැක්වූ අදහස් සෝටෝමේයර්ගේ දැඩි විවේචනයට ලක් විය. පුද්ගලයෙකුගේ භාෂාව හෝ ජාතිකත්වය මත පදනම්ව ඔවුන් පරීක්ෂාවට ලක් කිරීමට අවසර දීම මඟින් අඩු ආදායම්ලාභී ලතින් ඇමෙරිකානු (Latino) ජනතාව දැඩි පීඩාවකට පත්වන බව සෝටෝමේයර් පෙන්වා දුන්නාය. කෙසේ වෙතත්, කැවනෝගේ පෞද්ගලික පසුබිම ඉලක්ක කර ගනිමින් ඇය කළ ප්රකාශය “නුසුදුසු” සහ “සිත් රිදවන සුළු” එකක් බව පිළිගනිමින් ඇය මෙම කණගාටුව පළ කර ඇත.
