ඔස්ට්රේලියාවේ පවතින ප්රධාන තෙල් පිරිපහදු දෙකෙන් එකක් වන මෙල්බර්න් නුවරට නිරිත දෙසින් පිහිටි ‘කෝරියෝ’ (Corio) පිරිපහදුවේ ඊයේ (15) මධ්යම රාත්රියේ දැවැන්ත ගින්නක් හටගෙන තිබේ පිපිරීම් කිහිපයක් සමඟ ආරම්භ වූ මෙම ගින්න හේතුවෙන් එරට ඉන්ධන සැපයුම තවදුරටත් අර්බුදයකට ලක්වනු ඇතැයි බලධාරීන් අනතුරු අඟවයි වික්ටෝරියා ප්රාන්තයේ ඉන්ධන අවශ්යතාවයෙන් 50% ක් සහ සමස්ත ඔස්ට්රේලියාවේ අවශ්යතාවයෙන් 10% ක් සපයනු ලබන්නේ මෙම පිරිපහදුව මඟිනි
ගින්නෙන් කිසිවෙකුටත් තුවාල සිදුව නොමැති අතර පිරිපහදුවේ සේවකයන් 100 ක් පමණ ආරක්ෂිතව ඉවත් කිරීමට පියවර ගෙන තිබේ මේ වන විටත් ගින්න නිවී නොමැති අතර ප්රදේශයේ වායු ගුණාත්මකභාවය පිළිබඳව ද අවධානය යොමු කර ඇත ඉරාන යුද්ධය හේතුවෙන් ලෝක වෙළඳපොළේ තෙල් මිල ඉහළ ගොස් ඇති පසුබිමක මෙම ගින්න වාර්තා වීම ඔස්ට්රේලියාවේ ඉන්ධන මිල තවදුරටත් ඉහළ යාමට සහ හිඟයක් ඇති වීමට හේතු විය හැකි බව එරට බලධාරීන් පෙන්වා දෙයි
