ඉලොන් මස්ක්ගේ SpaceX සහ Tesla සමාගම් ඒකාබද්ධව ක්රියාත්මක කරන ‘Terafab’ කෘතිම බුද්ධි (AI) චිප සංකීර්ණය සඳහා අවශ්ය උපකරණ ලබා ගැනීමට ඔහුගේ කණ්ඩායම චිප ක්ෂේත්රයේ ප්රමුඛ පෙළේ සැපයුම්කරුවන් සම්බන්ධ කර ගනිමින් සිටින බව බ්ලූම්බර්ග් පුවත් සේවය වාර්තා කළේය.
මෙම ව්යාපෘතිය සඳහා Applied Materials, Tokyo Electron සහ Lam Research වැනි ප්රමුඛ සමාගම් වෙතින් මිල ගණන් සහ උපකරණ ලබා දිය හැකි කාලසීමාවන් විමසා ඇති අතර, එහි නිෂ්පාදන සහකරු වන Samsung Electronics වෙතින් ද සහාය ඉල්ලා ඇති බව වාර්තා වේ. 2029 වසර වන විට සිලිකන් නිෂ්පාදනය ආරම්භ කිරීම මෙහි මූලික ඉලක්කය වන අතර, මස්ක් හට මෙම ව්යාපෘතිය ඉතා වේගයෙන් (“Light speed”) ඉදිරියට ගෙන යාමට අවශ්ය වී තිබේ. ඉදිරි දශකයේ තාක්ෂණික ලෝකයේ පෙරළියක් කිරීමට අපේක්ෂිත මෙම ‘Terafab’ ව්යාපෘතිය හරහා ස්වයංක්රීයව ක්රියාත්මක වන චිප නිෂ්පාදන පද්ධතියක් ගොඩනැගීම මස්ක්ගේ අරමුණයි.
