ඊශ්රායල ආරක්ෂක බලකායේ (IDF) මාණ්ඩලික ප්රධානී එයාල් සමීර් (Eyal Zamir) විසින් ලෙබනනය සහ ඉරානය තුළ ඉදිරි සටන් මෙහෙයුම් සඳහා වන සැලසුම් අනුමත කර ඇති බව IDF ප්රකාශක එෆී ඩෙෆ්රින් (Effie Defrin) තහවුරු කරයි. මීට අමතරව, දකුණු ලෙබනනයේ ලිටානි ගඟ (Litani River) දක්වා වූ මුළු භූමි ප්රමාණයම හිස්බුල්ලා සාමාජිකයන් ඉලක්ක කරන “සටන් කලාපයක්” (Killing area) ලෙස ප්රකාශයට පත් කිරීමට ද හමුදා ප්රධානියා පියවර ගෙන ඇත.
ඩෙෆ්රින් වැඩිදුරටත් සඳහන් කළේ ලෙබනනයේ ක්රියාත්මක හමුදා මෙහෙයුම් වලදී මේ වන විට හිස්බුල්ලා සාමාජිකයන් 1,700කට අධික පිරිසක් ඝාතනය කර ඇති බවයි. හිස්බුල්ලා සාමාජිකයන් සැඟවී සිටින ඕනෑම ස්ථානයක ඔවුන් ලුහුබැඳ ගොස් ප්රහාර එල්ල කිරීමේ මෙහෙයුම් අඛණ්ඩව ක්රියාත්මක කරන බව ද ඊශ්රායල හමුදාව අවධාරණය කරයි. ඉරානය සමඟ සාම සාකච්ඡා පිළිබඳ බලාපොරොත්තු පළ වෙමින් පවතින පසුබිමක ඊශ්රායලය විසින් මෙම නව සටන් සැලසුම් ප්රකාශයට පත් කිරීම විශේෂත්වයකි.
