ඊශ්රායල අගමැති බෙන්ජමින් නෙතන්යාහු සහ ලෙබනන ජනාධිපති ජෝසෆ් අවුන් යන දෙදෙනාටම එකම මේසයක සාකච්ඡා කිරීම සඳහා වයිට් හවුස් (White House) වෙත පැමිණෙන ලෙස තමන් ආරාධනා කරන බව ඇමෙරිකානු ජනාධිපති ඩොනල්ඩ් ට්රම්ප් ප්රකාශ කළේය. මෙය සාර්ථක වුවහොත්, 1983 වසරෙන් පසුව ඊශ්රායලය සහ ලෙබනනය අතර පැවැත්වෙන පළමු නිල සෘජු සාකච්ඡාව ලෙස ඉතිහාසයට එක්වනු ඇත.
දෙපාර්ශවයම සාමය අපේක්ෂා කරන බවත්, ඉතා ඉක්මනින් සාම ගිවිසුමකට එළඹීමට හැකි වනු ඇති බවට තමන් විශ්වාස කරන බවත් ජනාධිපති ට්රම්ප් අවධාරණය කළේය. මෙම තෙපාර්ශවීය හමුව (Trilateral Meeting) හරහා මැදපෙරදිග කලාපයේ පවතින උග්ර යුදමය වාතාවරණය සමනය කිරීම ඔහුගේ ප්රධාන අරමුණයි. විශේෂයෙන්ම හිස්බුල්ලා සටන්කාමීන් සහ ඊශ්රායල හමුදා අතර දකුණු ලෙබනන දේශසීමාවේ පවතින දරුණු ගැටුම් නතර කිරීම මෙහිදී තීරණාත්මක වනු ඇත.
මෙම ආරාධනය නිකුත් වන්නේ ඉරානයට එරෙහිව ඇමෙරිකාව පනවා ඇති දැඩි ආර්ථික සහ නාවික පීඩනය මධ්යයේය. ලෙබනනය සහ ඊශ්රායලය අතර සාමය ස්ථාපිත කිරීම මගින් ඉරානයේ කලාපීය බලපෑම අවම කිරීමට ජනාධිපති ට්රම්ප් උත්සාහ කරයි. දේශපාලන විශ්ලේෂකයන් පවසන්නේ, ලෙබනන ජනාධිපතිවරයා මෙම ඇරයුම පිළිගන්නේ නම්, එය මැදපෙරදිග දේශපාලන සිතියම මුළුමනින්ම වෙනස් කරන “සියවසේ ගනුදෙනුවක්” වනු ඇති බවයි.
තොරතුරු උපුටා ගැනීම: mario nawfal(X) ඇසුරින්
