මැදපෙරදිග පවතින ගැටුම්කාරී තත්ත්වය අවසන් වීමේ සේයාවන් මතු වීමත් සමඟ අද (17) අලුයම ලෝක වෙළඳපොළේ බොරතෙල් මිල සැලකිය යුතු ලෙස පහත වැටී තිබේ. ලෙබනනය සහ ඊශ්රායලය අතර දස දින සටන් විරාමයක් ආරම්භ වීම සහ එළඹෙන සති අන්තයේදී ඇමෙරිකාව සහ ඉරානය අතර සාකච්ඡා පැවැත්වීමට ඇති ඉඩකඩ පිළිබඳ ජනාධිපති ඩොනල්ඩ් ට්රම්ප් කළ ප්රකාශය මීට ප්රධාන වශයෙන් බලපා ඇත.
ඒ අනුව බ්රෙන්ට් (Brent) වර්ගයේ බොරතෙල් බැරලයක මිල ඩොලර් 1.34 කින් පහත වැටී ඩොලර් 98.05 ක් ලෙස සටහන් වූ අතර, ඇමෙරිකානු (WTI) බොරතෙල් බැරලයක මිල ඩොලර් 93.40 දක්වා පහත වැටුණි. සති හතක් පුරා හෝර්මුස් සමුද්ර සන්ධිය වසා තැබීම හේතුවෙන් ලෝක තෙල් සැපයුමෙන් පහෙන් එකක් පමණ අඩාල වී තිබූ අතර, ඉරානය වසර 20 කට වඩා වැඩි කාලයක් න්යෂ්ටික අවි සන්තකයේ තබා නොගැනීමට එකඟ වී ඇති බව ද ට්රම්ප් සඳහන් කළේය. පසුගිය මාර්තු මාසයේදී තෙල් මිල 50% කින් පමණ ඉහළ ගිය ද, වත්මන් සාම සාකච්ඡා පිළිබඳ බලාපොරොත්තු නිසා මිල ගණන් යළිත් ඩොලර් 100 සීමාවෙන් පහළට පැමිණ තිබේ.
