වසර 2019 සිට අත්හිටුවා තිබූ වෙනිසියුලාව සමඟ පවතින සබඳතා සහ ගනුදෙනු යළි ආරම්භ කිරීමට ජාත්යන්තර මූල්ය අරමුදල සහ ලෝක බැංකුව ඊයේ (16) තීරණය කළේය. මෙම පියවර හරහා වසර 20කට පමණ පසු වෙනිසියුලානු ආර්ථිකය පිළිබඳ පූර්ණ ඇගයීමක් සිදු කිරීමට මූල්ය අරමුදලට අවස්ථාව ලැබෙන අතර, අත්හිටුවා ඇති විශේෂ ගැනුම් හිමිකම් (SDR) හරහා ඩොලර් බිලියන ගණනක අරමුදල් ලබා ගැනීමට ද මග පෑදෙනු ඇත.
අමෙරිකානු ජනාධිපති ඩොනල්ඩ් ට්රම්ප්ගේ පරිපාලනය විසින් පසුගිය ජනවාරි මාසයේදී සිදු කළ මෙහෙයුමකින් එවකට සිටි ජනාධිපති නිකොලස් මදුරෝ බලයෙන් පහ කිරීමෙන් පසු, වොෂින්ටනය දැන් වෙනිසියුලාවේ අන්තර්කාලීන ජනාධිපතිනි ඩෙල්සි රොඩ්රිගස් (Delcy Rodriguez) සමඟ සමීපව කටයුතු කරයි. ජාත්යන්තර මූල්ය අරමුදලේ කළමනාකාර අධ්යක්ෂිකා ක්රිස්ටලිනා ජෝර්ජියේවා ප්රකාශ කළේ සාමාජික රටවල බහුතර කැමැත්ත මත රොඩ්රිගස්ගේ පරිපාලනය පිළිගැනීමට තීරණය කළ බවයි.
මෙම සබඳතා යළි සාමාන්යකරණය කිරීම සම්බන්ධයෙන් අන්තර්කාලීන ජනාධිපතිනි රොඩ්රිගස් අමෙරිකානු ජනාධිපති ඩොනල්ඩ් ට්රම්ප් සහ රාජ්ය ලේකම් මාර්කෝ රුබියෝ වෙත සිය ස්තුතිය පුද කළාය. ලෝක බැංකුව වෙනිසියුලාවට අවසන් වරට ණය මුදලක් ලබා දී ඇත්තේ 2005 වසරේදී වන අතර, මෙම නව සබඳතාවය හරහා වෙනිසියුලාවේ තෙල් සහ පතල් ක්ෂේත්රය තුළ අමෙරිකානු මැදිහත්වීම ද පුළුල් වනු ඇතැයි අපේක්ෂා කෙරේ.
