Nvidia සමාගමේ ප්රධාන විධායක නිලධාරී ජෙන්සන් හුවාං, ඇමරිකානු සමාගම් විසින් චීනයට AI චිප්ස් අලෙවි කිරීම න්යෂ්ටික අවි ලබාදීමකට සමාන කිරීම “පිස්සුවක්” (Madness) ලෙස හඳුන්වමින් Anthropic සමාගමේ ප්රධාන විධායක නිලධාරී ඩාරියෝ අමෝඩෙයිගේ (Dario Amodei) ප්රකාශ දැඩි ලෙස විවේචනය කළේය
Anthropic ප්රධානී ඩාරියෝ අමෝඩෙයි මෑතකදී ප්රකාශ කර තිබුණේ චීනයට උසස් AI චිප්ස් ලබාදීම උතුරු කොරියාවට න්යෂ්ටික අවි ලබාදීමක් වැනි බවයි. ඊට පිළිතුරු දෙමින් හුවාං පැවසුවේ AI තාක්ෂණය එවැනි දේකට සමාන කිරීම අමනෝඥ ක්රියාවක් බවත්, AI ගණනය කිරීමේ සම්පත් න්යෂ්ටික අවි සඳහා යොදාගන්නා “පෝෂිත යුරේනියම්” වලට සමාන කළ නොහැකි බවත්ය.
තාක්ෂණික පාලනයන් එතරම් ඵලදායී නොවන බවත්, එවැනි බාධාවන් නිසා ලොව දෙවන විශාලතම වෙළෙඳපොළ වන චීනය අහිමි කරගැනීමේ අවදානමක් පවතින බවත් හුවාං තර්ක කරයි. චීනයට තමන්ගේම චිප්ස් නිෂ්පාදනය කිරීමේ හැකියාව ඇති බැවින්, ඇමරිකානු අපනයන සීමා කිරීම හරහා සිදුවන්නේ ඇමරිකාවේ තාක්ෂණික බලපෑම දුර්වල වීම පමණක් බව ඔහුගේ මතයයි.
හුවාං විසින් ට්රම්ප් පරිපාලනය සමඟ සාකච්ඡා කර පැරණි මාදිලියේ H-200 AI චිප්ස් චීනයට අලෙවි කිරීම සඳහා අවසර ලබාගෙන තිබේ. මෙම අවසරය ලබා දී ඇත්තේ අලෙවි ආදායමෙන් 25% ක් රජයට ලබාදීමේ කොන්දේසිය මතය. කෙසේ වෙතත්, රජයේ අනුමත කිරීමේ ක්රියාවලිය ප්රමාද වීම නිසා මෙතෙක් චීනයෙන් සැලකිය යුතු ආදායමක් Nvidia සමාගමට ලැබී නොමැති බව වාර්තා වේ.
ගෝලීය AI සැපයුම් දාමය සහ තාක්ෂණික නායකත්වය සම්බන්ධයෙන් ඇමරිකානු රජය ආරක්ෂාව සහ කර්මාන්ත තරගකාරිත්වය අතර සමබරතාවය පවත්වා ගන්නේ කෙසේද යන්න මත ඉදිරි ගමන් මඟ තීරණය වනු ඇත.
