ස්වීඩනයේ එරික්සන් සමාගම සිය 2026 වසරේ පළමු කාර්තුවට අදාළ මූල්ය වාර්තා ප්රකාශයට පත් කරමින් කියා සිටියේ සිය මූලික ලාභය වෙළෙඳපොළ අපේක්ෂාවන්ට වඩා සුළු වශයෙන් පහත වැටී ඇති බවයි. කෘත්රිම බුද්ධි (AI) තාක්ෂණය සඳහා පවතින දැවැන්ත ඉල්ලුම හේතුවෙන් චිප (Chip) පිරිවැය ඉහළ යාම සහ උතුරු ඇමෙරිකානු කලාපයේ අලෙවිය මන්දගාමී වීම මෙම තත්ත්වයට ප්රධාන හේතු ලෙස එම සමාගම පෙන්වා දෙයි.
ප්රතිව්යුහගත කිරීමේ පිරිවැය හැර, 2026 පළමු කාර්තුව සඳහා සමාගම වාර්තා කර ඇති මෙහෙයුම් ලාභය ස්වීඩන් ක්රෝන් බිලියන 5.2 කි. කෙසේ වෙතත්, මූල්ය විශ්ලේෂකයින් අපේක්ෂා කර තිබුණේ එය ක්රෝන් බිලියන 5.4 ක මට්ටමක පවතිනු ඇති බවයි. ගෝලීය වශයෙන් AI තාක්ෂණයේ වර්ධනය සමඟ ඒ ආශ්රිත දෘඩාංග සඳහා පවතින පිරිවැය ඉහළ යාම, විදුලි සංදේශ ක්ෂේත්රයේ දැවැන්තයෙකු වන එරික්සන් වැනි සමාගම්වල ලාභාංශ කෙරෙහි මෙලෙස සෘජුවම බලපා තිබේ.
