ප්රංශයේ දැවැන්ත ව්යාපාරික ප්රජාව (France Inc), එරට 2027 ජනාධිපතිවරණයේදී ජයග්රහණය කිරීමට වැඩි ඉඩක් ඇතැයි සැලකෙන අන්ත දක්ෂිණාංශික ‘නැෂනල් රැලී’ (RN) පක්ෂයේ ආර්ථික න්යාය පත්රයට බලපෑම් කිරීමට සහ එය තේරුම් ගැනීමට පියවර ගනිමින් සිටින බව වාර්තා වේ. මීට පෙර ව්යාපාරික ප්රජාව විසින් මගහරිනු ලැබූ අන්ත දක්ෂිණාංශික නායිකා මරීන් ල පෙන්, මෑතකදී LVMH අධිපති බර්නාඩ් ආර්නෝල්ට් ඇතුළු ප්රංශයේ ප්රධාන පෙළේ ව්යාපාරික ප්රධානීන් පිරිසක් සමඟ පැරිස් නුවරදී විශේෂ රාත්රී භෝජන සංග්රහයකට එක්වී තිබේ.
එහිදී ල පෙන්ගේ යුරෝපා සංගම් විරෝධී මතවාද සහ දැනට පවතින විශ්රාම වැටුප් ප්රතිසංස්කරණ ආපසු හැරවීමේ සැලසුම් පිළිබඳව ව්යාපාරික නායකයින් සිය දැඩි විරෝධය පළ කර ඇති බව ආරංචි මාර්ග පවසයි. වසර ගණනාවක් පුරා ප්රංශයේ ප්රධාන පෙළේ සමාගම් මෙම පක්ෂය සමඟ සබඳතා පැවැත්වීමෙන් වැළකී සිටියද, ඉදිරි මැතිවරණයේදී ඔවුන් බලයට පත්වීමේ ඉහළ සම්භාවිතාව හේතුවෙන් සිය ආර්ථික අභිලාෂයන් ආරක්ෂා කර ගැනීමට ව්යාපාරික ප්රජාව දැන් ඔවුන් සමඟ සාකච්ඡා ආරම්භ කර ඇත. මෙයට අමතරව, එම පක්ෂයේ සභාපති ජෝර්දාන් බාර්ඩෙල්ලා ද ලබන සතියේදී ප්රංශයේ ප්රධාන සේවා යෝජකයන්ගේ සංගමය හමුවීමට නියමිතව තිබීම විශේෂත්වයකි.
