ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතාව එළඹෙන අප්රේල් මස 28 වනදා දක්වා යළි රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් අධිකරණය අද නියෝග කළේය. එයාර්බස් ගනුදෙනුවට අදාළව සිදුවූ බව කියන මූල්ය අක්රමිකතා සම්බන්ධයෙන් කෙරෙන විමර්ශනවලට අදාළව ඔහු මෙලෙස රක්ෂිත බන්ධනාගාරගත කර ඇති අතර, අදාළ නඩුව අද කැඳවූ අවස්ථාවේදී මෙම නියෝගය නිකුත් විය. සිද්ධිය සම්බන්ධයෙන් වන වැඩිදුර පරීක්ෂණ වාර්තා මීළඟ නඩු වාරයේදී අධිකරණයට ඉදිරිපත් කරන ලෙස ද මහේස්ත්රාත්වරයා මෙහිදී අදාළ අංශ වෙත දැනුම් දුන්නේය.
