පුද්ගලික ගුවන්විදුලි සහ රූපවාහිනී විකාශකයින් ප්රාදේශීය ජන ජීවිතය වාර්තා කරමින් ප්රජාතන්ත්රවාදී වටිනාකම් ආරක්ෂා කරන කොඳු නාරටියක් බඳු බව දකුණු කොරියානු විකාශන මාධ්ය සහ සන්නිවේදන කොමිසමේ (BMCC) සභාපති කිම් ජොන්-චෝල් (Kim Jong-cheol) අද (17) ප්රකාශ කළේය.
උල්සාන් (Ulsan) නුවර පැවති ‘2026 කොරියානු පුද්ගලික විකාශන දින’ උත්සවයට එක්වෙමින් ඔහු පෙන්වා දුන්නේ පුද්ගලික මාධ්ය ජාල ප්රාදේශීය සංවර්ධනයට සහ ප්රජාතන්ත්රවාදයට සුවිශාල මෙහෙවරක් ඉටු කරන බවයි. SBS, KNN, TBC සහ TBJ ඇතුළු ප්රධාන පුද්ගලික විකාශන ආයතන නවයක විධායක නිලධාරීන් හමු වූ සභාපතිවරයා, ක්ෂේත්රයේ පවතින නීතිමය බාධා සහ ප්රතිපත්තිමය ගැටලු පිළිබඳව ද සාකච්ඡා කළේය.
මාධ්ය ක්ෂේත්රයේ තරඟකාරීත්වය ශක්තිමත් කිරීම සඳහා දැනට පවතින දැඩි රෙගුලාසි ලිහිල් කිරීමටත්, නිර්මාණාත්මක වැඩසටහන් නිෂ්පාදනය සඳහා ලබා දෙන සහය තවදුරටත් පුළුල් කිරීමටත් රජය ප්රතිපත්තිමය වශයෙන් බැඳී සිටින බව ඔහු එහිදී වැඩිදුරටත් අවධාරණය කළේය. කොරියානු පුද්ගලික විකාශකයින්ගේ සංගමය විසින් 2006 වසරේ සිට වාර්ෂිකව මෙම උත්සවය පවත්වනු ලබයි.
