නොබෙල් සාම ත්යාගලාභී වෙනිසියුලානු විපක්ෂ නායිකා මරියා කොරිනා මචාඩෝ (Maria Corina Machado) 2026 වසර අවසානයට පෙර යළි සිය රට බලා යාමට අපේක්ෂා කරන බව ප්රකාශ කළාය. ස්පාඤ්ඤයේ මැඩ්රිඩ් නුවර සිට රොයිටර් පුවත් සේවය සමඟ අදහස් දක්වමින් ඇය අවධාරණය කළේ වෙනිසියුලාව තුළ කඩිනමින් ප්රජාතන්ත්රවාදී මැතිවරණයක් පැවැත්විය යුතු බවයි.
වෙනිසියුලාව තුළ ප්රජාතන්ත්රවාදී සංක්රාන්තියක් සිදු නොවන්නේ නම් රට තුළ “අරාජිකත්වයක්” ඇති විය හැකි බවට ඇය අනතුරු ඇඟවූවාය. මැතිවරණයක් සඳහා අවශ්ය පසුබිම සකස් කිරීමට මාස අටක හෝ නවයක කාලයක් අවශ්ය බව පෙන්වා දුන් ඇය, නිදහස් හා සාධාරණ මැතිවරණයක් වෙනුවෙන් පෙනී නොසිටීම පිළිබඳව ස්පාඤ්ඤ රජය ද විවේචනය කළාය.
පසුගිය ජනවාරි මාසයේදී ඇමෙරිකාව විසින් වෙනිසියුලානු ජනාධිපති නිකොලස් මදුරෝ අත්අඩංගුවට ගැනීමත් සමඟ මචාඩෝ මහත්මියට රටේ ප්රධාන භූමිකාවක් හිමිවනු ඇතැයි බොහෝ දෙනා අපේක්ෂා කළහ. කෙසේ වෙතත්, ඇමෙරිකානු ජනාධිපති ඩොනල්ඩ් ට්රම්ප් විසින් මදුරෝගේ හිටපු නියෝජ්ය ඩෙල්සි රොඩ්රිගස්ව (Delcy Rodriguez) පාලනය සඳහා පත් කරනු ලැබුවේ, කෙටි කාලීනව රට පාලනය කිරීමට අවශ්ය සහයෝගය මචාඩෝට නොමැති බව පවසමිනි.
