දකුණු කොරියාවේ ප්රමුඛතම ආහාර බෙදා හැරීමේ යෙදුම (App) වන ‘Baedal Minjok’ (Baemin) හි ක්රියාකරු වන Woowa Brothers ආයතනය, ’60gye Chicken’ සහ ‘Stella Tteokbokki’ යන වෙළඳ නාම පවත්වාගෙන යන Jangs Food සමඟ උපායමාර්ගික අවබෝධතා ගිවිසුමකට අත්සන් තබා තිබේ. පාරිභෝගිකයින්ට වඩාත් සමීප වෙමින් විකුණුම් ඉහළ නැංවීම මෙහි ප්රධාන අරමුණයි.
Baemin යෙදුම හරහා පමණක් ඇණවුම් කළ හැකි නව සහ සුවිශේෂී ආහාර වට්ටෝරු හඳුන්වා දීමට දෙපාර්ශවයම සැලසුම් කර ඇත. ප්රධාන උත්සව සමයන් ඉලක්ක කර ගනිමින් දැවැන්ත ප්රවර්ධන වැඩසටහන් ක්රියාත්මක කරන අතර, Baemin හි දායකත්ව සේවාව (Subscription service) වන ‘Baemin Club’ හරහා පාරිභෝගිකයින්ට වැඩි ප්රතිලාභ ලබා දීමට නියමිතය. පාරිභෝගිකයින්ට සෘජුවම වෙළඳසැල් වෙත පැමිණ ආහාර ලබා ගැනීමට හැකි වන පරිදි පිකප් සේවාවන්හි දෘශ්යතාව සහ පහසුකම් Baemin ඇප් එක හරහා වැඩි දියුණු කෙරේ. විකුණුම් දත්ත සහ පාරිභෝගික රුචිකත්වයන් පිළිබඳ තොරතුරු හුවමාරු කර ගනිමින් වෙළඳසැල් හිමියන්ට වඩාත් සාර්ථක අලෙවිකරණ උපදේශන ලබා දීමට පියවර ගැනේ.
දෙපාර්ශවය අතර මෙම ගිවිසුම ඊයේ (අප්රේල් 20) සෝල් නුවරදී අත්සන් කෙරුණු අතර, මෙය වේදිකාවක් සහ ව්යවසායකයින් එක්ව පොදු වර්ධනයක් කරා යන සාර්ථක සහයෝගීතා මාදිලියක් වනු ඇතැයි Woowa Brothers ආයතනය විශ්වාසය පළ කරයි.
