ඉරාන යුද්ධය හේතුවෙන් දකුණු අප්රිකානු ව්යවහාර මුදල (Rand) දුර්වල වීම, වෙළෙඳාම මන්දගාමී වීම සහ කොටස් වෙළෙඳපොළ පසුබෑම නිසා එරට ව්යාපාරික විශ්වාසය (Business Confidence) පසුගිය මාර්තු මාසයේදී පස් මසක අවම මට්ටමකට ඇද වැටී ඇති බව අද (21) නිකුත් වූ දත්ත මගින් හෙළි වේ. දකුණු අප්රිකානු වාණිජ හා කර්මාන්ත මණ්ඩලයේ (SACCI) ව්යාපාරික විශ්වාස දර්ශකය පෙබරවාරි මාසයේ පැවති 134.6 සිට මාර්තු මාසයේදී 131.3 දක්වා පහත වැටී තිබේ.
මැදපෙරදිග පවතින ගැටුම්කාරී තත්ත්වය හේතුවෙන් බලශක්ති සැපයුම සහ එහි පිරිවැය ඉහළ යාම පිළිබඳව ව්යාපාරික අංශ දැඩි අවධානයෙන් පසුවන බව එම වාර්තාව සඳහන් කරයි. විශේෂයෙන්ම සිල්ලර වෙළෙඳාම සහ අපනයන පරිමාවන් අඩුවීම හරහා ආර්ථික ක්රියාකාරකම්වල මන්දගාමී බවක් දක්නට ලැබේ. කෙසේ වෙතත්, නව වාහන අලෙවිය ඉහළ යාම, විදේශීය සංචාරකයින්ගේ පැමිණීම සහ උද්ධමනය පාලනය වී පැවතීම වැනි සාධක හේතුවෙන් මෙම පසුබෑම යම් මට්ටමකට පාලනය වී ඇති බව ද වාණිජ මණ්ඩලය පෙන්වා දෙයි.
