බ්රිතාන්යයේ ප්රමුඛතම ඔසුසල් ජාලය වන Boots හි හිමිකරුවන්, 2027 වසරේදී එම සමාගම ලන්ඩන් කොටස් වෙළෙඳපොළේ ලැයිස්තුගත කිරීමේ (Initial Public Offering – IPO) මූලික සැලසුම් ආරම්භ කර ඇති බව වාර්තා වේ. මේ සඳහා සමාගමේ උපායමාර්ගික වෙනස්කම් සිදු කිරීම වෙනුවෙන් උපදේශකයින් පිරිසක් බඳවා ගැනීමට එහි හිමිකරු වන Sycamore Partners පියවර ගෙන ඇති බව රොයිටර් පුවත් සේවය සඳහන් කරයි.
පසුගිය සති කිහිපය තුළ Sycamore Partners සහ Boots කළමනාකාරිත්වය මේ සම්බන්ධයෙන් විවිධ උපදේශන ආයතන සමඟ සාකච්ඡා පවත්වා ඇත. මෙම කොටස් වෙළෙඳපොළ පිවිසුම බ්රිතාන්ය වෙළෙඳ ඉතිහාසයේ තීරණාත්මක සිදුවීමක් වනු ඇති අතර, එමගින් සමාගමේ වර්ධනය සඳහා අවශ්ය ප්රාග්ධනය සපයා ගැනීමට ඔවුන් බලාපොරොත්තු වේ. දශකයකට වැඩි කාලයක් පෞද්ගලික හිමිකාරිත්වය යටතේ පැවති Boots සමාගම යළිත් පොදු සමාගමක් බවට පත්වීම ලන්ඩන් මූල්ය වෙළෙඳපොළට ද විශාල ශක්තියක් වනු ඇතැයි ආර්ථික විශ්ලේෂකයෝ පවසති.
