හොරොව්පොතාන ජාතික උද්යානයට අයත් දෑකැතිපොතාන උල්පත්වැව ප්රදේශයේදී ගෝන මස් තොගයක් ප්රවාහනය කරමින් සිටි සැකකරුවන් දෙදෙනෙකු අද (21) අලුයම අත්අඩංගුවට ගැනීමට වනජීවී නිලධාරීන් සමත් වී තිබේ.
අත්අඩංගුවට ගන්නා අවස්ථාවේ සැකකරුවන් සන්තකයේ තිබී ගෝන මස් කිලෝ 75ක පමණ ප්රමාණයක් සොයාගෙන ඇත. ඊට අමතරව, දඩයම් කිරීම සඳහා භාවිත කළ බවට සැක කෙරෙන බෝර 12 වර්ගයේ පතුරම් යෙදිය හැකි ගිනි අවියක්, පතුරම් දෙකක්, පිහියක්, විදුලි පන්දම් දෙකක් සහ ඔවුන් පැමිණි යතුරුපැදිය ද වනජීවී නිලධාරීන් භාරයට ගෙන තිබේ.
අත්අඩංගුවට පත් සැකකරුවන් සහ නඩු භාණ්ඩ අද (21) කැබිතිගොල්ලෑව මහේස්ත්රාත් අධිකරණයට ඉදිරිපත් කිරීමට නියමිතය. හොරොව්පොතාන ජාතික උද්යාන නිලධාරීන් මේ පිළිබඳව වැඩිදුර විමර්ශන සිදු කරයි.
