ඉරාන යුද්ධය හේතුවෙන් දැවැන්ත ආර්ථික බිඳවැටීමකට ලක්වනු ඇතැයි අනුමාන කළ කොටස් වෙළෙඳපොළවල්, මේ වන විට 2026 වසරේ ලොව හොඳම දක්ෂතා දක්වන වෙළෙඳපොළවල් බවට පත්වෙමින් පවතින බව විදෙස් මාධ්ය වාර්තා කරයි. පසුගිය මාර්තු මාසයේ හෝමූස් සමුද්ර සන්ධිය ආශ්රිතව ඇති වූ භීතීන්ගෙන් පසුව වෙළෙඳපොළවල් මෙලෙස ශක්තිමත්ව යථා තත්ත්වයට පත්වීම වසර ගණනාවකට පසු දක්නට ලැබුණු වේගවත්ම පිබිදීමක් ලෙස සැලකේ.
පළමු අවධිය ජනවාරි සිට පෙබරවාරි අග දක්වා පැවති අතර, එහිදී මතක චිප (Memory-chip) සඳහා වූ ඉහළ ඉල්ලුම හේතුවෙන් කොරියානු සහ තායිවාන කොටස් වෙළෙඳපොළවල් වාර්තාගත ලෙස ඉහළ ගියේය. දෙවන අවධිය පෙබරවාරි 28 වැනිදා ඇමෙරිකා-ඊශ්රායල ගුවන් ප්රහාරත් සමඟ ආරම්භ වූ ඉරාන යුද්ධයත් සමඟ වෙළෙඳපොළවල් බිඳ වැටීමකට ලක් විය.
දැනට පවතින තෙවන අවධිය අප්රේල් මස මුලදී ආරම්භ වූ අතර, පකිස්ථානයේ මැදිහත් වීමෙන් ඉදිරිපත් වූ සටන් විරාම යෝජනාවත් සමඟ වෙළෙඳපොළවල් යළිත් දැවැන්ත වර්ධනයක් අත්කර ගනිමින් පවතී.
