ඇමෙරිකානු ගුවන් හමුදා ලේකම් ට්රෝයි මේන්ක් (Troy Meink) විසින් මෙම තීරණය නිල වශයෙන් නිවේදනය කර ඇති අතර, එමඟින් නව ප්රහාරක යානා නිෂ්පාදනය ඉහළ යන තෙක් ඇමෙරිකානු ගුවන් බලය ශක්තිමත්ව පවත්වා ගැනීමට අපේක්ෂා කෙරේ. වසර 50කට ආසන්න කාලයක් සේවයේ යෙදී සිටින මෙම යානය, දැනට පවතින ඉරාන-ඇමෙරිකානු ගැටුම්කාරී තත්ත්වය තුළ හෝර්මුස් සමුද්ර සන්ධියේදී ඉරාන නෞකාවලට එරෙහිව ඉතා සාර්ථකව භාවිත කර ඇති බව වාර්තා වේ.
මෙම යානා විශ්රාම ගැන්වීමට ගුවන් හමුදාව කාලයක සිට උත්සාහ කළද, ඒ සඳහා සුදුසු විකල්පයක් නොමැති වීම සහ දේශපාලන බලපෑම් හේතුවෙන් එය දිගින් දිගටම ප්රමාද විය. විශේෂයෙන්ම ඇරිසෝනා ප්රාන්තයේ සෙනෙට් සභික මාර්ක් කෙලී (Mark Kelly) වැනි පිරිස් මෙම යානා විශ්රාම ගැන්වීමට විරුද්ධව දැඩි ලෙස පෙනී සිටියේ, භූමියේ සිටින පාබල හමුදාවන්ට ගුවන් ආවරණය ලබාදීම සඳහා (Close Air Support) මීට වඩා දක්ෂ යානයක් නොමැති බව පවසමිනි.
කෙසේ වෙතත්, මෙම පැරණි යානා නඩත්තු කිරීම සඳහා විශාල ශ්රමයක් සහ මුදලක් වැය වන බවත්, එය නවීන හයිපර්සොනික් (Hypersonic) අවි වැනි තාක්ෂණයන් දියුණු කිරීමට බාධාවක් බවත් ගුවන් හමුදා නිලධාරීන් පෙන්වා දෙයි. එසේ වුවද, පවතින යුදමය වාතාවරණය හමුවේ “Warthog” යානය තවත් වසර හතරක කාලයක් සිය මෙහෙයුම් දායකත්වය ලබා දීමට නියමිතය.
