ලොව විශාලතම පරිගණක චිප් (Chip) නිෂ්පාදකයා වන Samsung Electronics සමාගමේ වෘත්තීය සමිති සාමාජිකයන් 37,000ක් පමණ අද (අප්රේල් 23) දකුණු කොරියාවේ ප්යොන්ග්ටේක් (Pyeongtaek) හි පිහිටි දැවැන්ත කර්මාන්තශාලා සංකීර්ණය ඉදිරිපිට දැවැන්ත විරෝධතාවයකට එක්වීමට නියමිතය. වැටුප් වැඩිකිරීම් සහ ප්රසාද දීමනා සම්බන්ධයෙන් පවතින ගැටලු මෙයට ප්රධාන හේතුව වී තිබේ.
වෘත්තීය සමිති පවසන්නේ පාලනාධිකාරිය සමඟ පවතින සාකච්ඡා අසාර්ථක වුවහොත් ලබන මැයි 21 වැනිදා සිට දින 18ක අඛණ්ඩ වැඩවර්ජනයක් ආරම්භ කරන බවයි. කෘත්රිම බුද්ධිය (AI) සඳහා වන ඉහළ ඉල්ලුම හමුවේ මෙවැනි වැඩවර්ජනයක් සිදුවුවහොත්, ලෝක වෙළෙඳපොළේ චිප් සැපයුමට බාධා එල්ල වී මිල ගණන් තවදුරටත් ඉහළ යා හැකි බව ආර්ථික විශේෂඥයෝ අනතුරු අඟවති.
සැම්සුන් සමාගමේ ප්රතිවාදී සමාගමක් වන SK Hynix සිය සේවකයන්ට ඉහළ ප්රසාද දීමනා ලබාදීමත් සමඟ සැම්සුන් සේවකයන් තුළ දැඩි නොසන්සුන්තාවක් හටගෙන ඇත. දැනට සැම්සුන් සේවකයන්ගෙන් 70%කට වඩා වැඩි පිරිසක් (90,000කට අධික පිරිසක්) වෘත්තීය සමිති සාමාජිකත්වය ලබාගෙන ඇති අතර, මෙය සමාගම් ඉතිහාසයේ දක්නට ලැබෙන ඉහළම වෘත්තීය සමිති ක්රියාකාරීත්වයයි. සේවකයන් ඉල්ලා සිටින්නේ මූලික වැටුප
