ඇමෙරිකා එක්සත් ජනපදය සහ ඉරානය අතර සෘජු යුද ගැටුම් වෙනුවට මේ වන විට හෝර්මුස් සමුද්ර සන්ධිය (Strait of Hormuz) කේන්ද්ර කරගනිමින් දැවැන්ත වෙළෙඳ අවහිර කිරීම් සහ නැව් අත්පත් කර ගැනීමේ “නැව් යුද්ධයක්” නිර්මාණය වී තිබේ. මෙම උණුසුම්කාරී තත්ත්වය සමනය කිරීම සඳහා පකිස්ථානය මැදිහත් වී සාම සාකච්ඡා සූදානම් කළ ද, එය තවමත් සාර්ථක වී නොමැති බව ඉස්ලාමාබාද් නුවරින් වාර්තා වේ. ඇමෙරිකානු ජනාධිපති ඩොනල්ඩ් ට්රම්ප් විසින් සටන් විරාමය දීර්ඝ කර ඇති බව නිවේදනය කළ ද, දෙපාර්ශවයම එකිනෙකාගේ වාණිජ නැව් බලහත්කාරයෙන් අත්පත් කර ගැනීමට කටයුතු කරමින් සිටීම ලෝක වෙළෙඳාමට දැඩි තර්ජනයක් වී ඇත.
පකිස්ථාන අගමැති ෂෙබාස් ෂරීෆ්ගේ දැඩි උත්සාහය මධ්යයේ වුවද, ඇමෙරිකාවේ පරස්පර විරෝධී හැසිරීම් නිසා සාකච්ඡා මේ වන විට අඩාල වී ඇති බව ඉරානය ප්රකාශ කර තිබේ. ඉරාන පාලන තන්ත්රය තුළ පවතින අභ්යන්තර බෙදීම් හේතුවෙන් සාකච්ඡා සඳහා පැමිණිය යුත්තේ කවුරුන්ද යන්න පිළිබඳව ද ගැටලුවක් පවතින බව ඇමෙරිකානු ජනාධිපතිවරයා පවසයි. ලෝකයේ තෙල් සැපයුමෙන් විශාල කොටසක් සිදුවන හෝර්මුස් සමුද්ර සන්ධිය දෙපාර්ශවයේම අවහිර කිරීම් නිසා අක්රිය වී ඇති අතර, එය ගෝලීය බලශක්ති අර්බුදයක් කරා ගමන් කරමින් පවතී.
පකිස්ථානය තවමත් බලාපොරොත්තු වන්නේ සිය මැදිහත් වීම මත ඉදිරි දින කිහිපය තුළ දෙපාර්ශවයම සාකච්ඡා මේසයට ගෙන ඒමට හැකිවනු ඇති බවයි. එහෙත් හෝර්මුස් සමුද්ර සන්ධියේ පවතින නොසන්සුන්කාරී තත්ත්වය ඕනෑම මොහොතක පාලනයෙන් බැහැර වූ යුද්ධයක් කරා පෙරළීමේ අවදානමක් පවතින බව දේශපාලන විශ්ලේෂකයෝ පවසති.
