තායිවාන වෙරළාරක්ෂක බලකාය භාර අමාත්යවරිය වන කුවාන් බී-ලින් (Kuan Bi-ling) මහත්මිය, දකුණු චීන මුහුදේ තායිවාන පාලනය යටතේ පවතින ඉටු අබා (Itu Aba) දූපතේ නිරීක්ෂණ චාරිකාවක නිරත වී තිබේ. වසර හතකට පසු තායිවාන අමාත්යවරයෙකු මෙම දූපතට පැමිණි පළමු අවස්ථාව මෙය ලෙස වාර්තා වේ.
තායිවානය විසින් “තායිපින්” (Taiping) ලෙස හඳුන්වන මෙම දූපතේදී මානුෂීය සහන සේවා, වෛද්ය ඉවත් කිරීම් සහ සාගර දූෂණය වැළැක්වීම පිළිබඳ යුද අභ්යාසයක් ද පවත්වා ඇත. එහිදී සැකකටයුතු භාණ්ඩ ප්රවාහන නෞකාවකට සන්නද්ධ වෙරළාරක්ෂක භටයින් ඇතුළු වී පරීක්ෂා කරන ආකාරය පිළිබඳ පෙරහුරුවක් ද සිදු කෙරිණි.
දකුණු චීන මුහුදේ පිහිටි මෙම දූපත සඳහා චීනය, වියට්නාමය සහ පිලිපීනය ද හිමිකම් කියනු ලබයි. චීනය විසින් මෙම කලාපයේ කෘත්රිම දූපත් නිර්මාණය කරමින් සිය මිලිටරි බලය තහවුරු කිරීමට උත්සාහ කරන පසුබිමක, තායිවාන අමාත්යවරියගේ මෙම සංචාරය කලාපීය දේශපාලනයේ විශේෂ අවධානයට ලක්ව ඇත. වාර්ෂිකව ඇමෙරිකානු ඩොලර් බිලියන ගණනක වෙළෙඳ ගනුදෙනු සිදුවන මෙම මුහුදු කලාපය ලෝකයේ ප්රධානතම නාවික ගමන් මාර්ගයක් මෙන්ම ස්වාභාවික බලශක්ති සම්පත් බහුල ප්රදේශයක් ලෙස ද සැලකේ.
