දිවයිනේ බොහෝ ප්රදේශවලට අද (23) පස්වරු 1.00 න් පමණ පසුව වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව නිවේදනය කරයි. බස්නාහිර, සබරගමුව, මධ්යම, ඌව සහ දකුණු පළාත්වලත්, අම්පාර සහ මඩකලපුව දිස්ත්රික්කවලත් ඇතැම් ස්ථානවලට මිලිමීටර් 75 ට වැඩි තරමක් තද වැසි ඇති වීමේ හැකියාවක් පවතී.
මීට අමතරව මඩකලපුව, අම්පාර සහ හම්බන්තොට දිස්ත්රික්කවලට උදෑසන කාලයේදී ද වැසි ඇති විය හැකි බව වාර්තා වේ. මධ්යම, සබරගමුව, උතුරු-මැද සහ ඌව පළාත්වලත්, වවුනියාව සහ කුරුණෑගල දිස්ත්රික්කවලත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් අපේක්ෂා කෙරේ. ගිගුරුම් සහිත වැසි සමඟ තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් ඉල්ලා සිටී.
