OpenAI සමාගමේ ChatGPT පද්ධතිය, මිනිසුන් අතර ඇතිවන දැඩි වාද විවාදවලට ප්රතිචාර දැක්වීමේදී අපහාසාත්මක වචන සහ කුණුහරුප භාවිත කරන බව නවතම පර්යේෂණයකින් හෙළි වී තිබේ. Journal of Pragmatics සඟරාවේ පළ වූ මෙම අධ්යයනය මගින් ChatGPT 4.0 සංස්කරණය පරීක්ෂාවට ලක් කර ඇති අතර, එහිදී පෙනී ගොස් ඇත්තේ සංවාදයක පවතින සතුරුභාවය තීව්ර වන විට AI පද්ධතිය ද එම ස්වරූපයම අනුකරණය කරන බවයි.
සංවාදයක් ක්රමයෙන් රණ්ඩු පසප්පුවක් දක්වා වර්ධනය වන විට, ChatGPT විසින් අපහාසාත්මක ප්රකාශ, අසභ්ය වචන සහ තර්ජනාත්මක වැකි පවා ජනනය කර තිබේ. සමහර අවස්ථාවලදී “ඔබ තමන් ගැනම ලැජ්ජා විය යුතුයි” වැනි ප්රකාශ සහ රථවාහනවලට හානි කරන බවට කෙරෙන තර්ජනාත්මක වැකි පවා මෙම AI පද්ධතියෙන් නිකුත් වී ඇත. කෘතිම බුද්ධි පද්ධතීන් මානව හැසිරීම් අනුකරණය කිරීමට උත්සාහ කිරීමේදී මෙවැනි අහිතකර ප්රතිඵල ඇතිවිය හැකි බව පර්යේෂකයෝ පෙන්වා දෙති.
මෙම අධ්යයනය මගින් AI තාක්ෂණයේ පවතින සදාචාරාත්මක සීමාවන් සහ ඒවායේ ආරක්ෂක විධිවිධාන (Safety guardrails) තවදුරටත් ශක්තිමත් කිරීමේ අවශ්යතාව අවධාරණය කර ඇත.
