ලෝකය පුරා පොසිල ඉන්ධන භාවිතය ක්රමයෙන් අවසන් කිරීම සඳහා (Phase out) නිශ්චිත සැලසුමක් සකස් කිරීමේ අරමුණින් පැවැත්වෙන ප්රථම ජාත්යන්තර සමුළුව මෙම සති අන්තයේදී ආරම්භ වීමට නියමිතය. අප්රේල් 24 සිට 29 දක්වා කොලොම්බියාවේ සැන්ටා මාර්ටා (Santa Marta) නුවරදී පැවැත්වෙන මෙම සමුළුව සඳහා රටවල් 50කට අධික සංඛ්යාවක් සහභාගී වේ.
පොසිල ඉන්ධන මත පවතින ආර්ථික යැපීම අවසන් කර හරිත බලශක්ති සංක්රාන්තියක් (Green transition) කරා යාමට අවශ්ය ජාත්යන්තර සහයෝගීතාව වර්ධනය කිරීම මෙහි ප්රධාන අරමුණයි. විශේෂයෙන්ම රජයන් විසින් පොසිල ඉන්ධන කර්මාන්තය සඳහා ලබා දෙන සහනාධාර සහ පෙට්රෝ රසායනික (Petrochemicals) නිෂ්පාදන හරහා මෙම කර්මාන්තය තවදුරටත් රැකී පවතින ආකාරය පිළිබඳව මෙහිදී විශේෂ අවධානයක් යොමු කෙරේ. සූර්ය බලය සහ සුළං බලය වැනි පිරිසිදු බලශක්ති ප්රභවයන් වෙත යොමු වීමට අවශ්ය මාර්ග සිතියමක් (Roadmap) සකස් කිරීමට ද රටවල් බලාපොරොත්තු වේ.
පොසිල ඉන්ධන කර්මාන්තයට ලැබෙන මූල්ය සහයෝගීතාව හෙවත් “ජීවනාලිය” කපා හැරීම හරහා ගෝලීය උණුසුම පාලනය කිරීමට හැකිවනු ඇති බව විද්යාර්ථීන් සහ ක්රියාකාරීන්ගේ විශ්වාසයයි.
