ටෙස්ලා (Tesla) සමාගමේ මීළඟ පරම්පරාවේ රෝඩ්ස්ටර් (Roadster) විද්යුත් ක්රීඩා මෝටර් රථය එළිදැක්වීම යළිත් වරක් ප්රමාද වන බව එලොන් මස්ක් පවසයි. 2026 වසරේ පළමු කාර්තුවට අදාළ සමාගමේ මූල්ය වාර්තා ඉදිරිපත් කරමින් මස්ක් සඳහන් කළේ, මීට පෙර අප්රේල් මස අගදී එළිදැක්වීමට සැලසුම් කර තිබූ මෙම රථය ප්රදර්ශනය කිරීම සඳහා තවත් මාසයක පමණ කාලයක් ගතවනු ඇති බවයි.
2017 වසරේදී ප්රථම මූලාකෘතිය (Prototype) ඉදිරිපත් කළ දා සිට මේ දක්වා අවස්ථා අටකට වඩා වැඩි වාර ගණනක් රෝඩ්ස්ටර් රථයේ කාලසටහන වෙනස් වී තිබේ. ඇතැම් පාරිභෝගිකයින් මේ වන විට වසර 10කට ආසන්න කාලයක් මෙම රථය ලබා ගැනීම සඳහා පෙර ඇණවුම් (Pre-orders) කර බලා සිටිති. තවමත් පරීක්ෂණ මට්ටමේ පවතින මෙම රථයේ මහා පරිමාණ නිෂ්පාදන කටයුතු (Mass production) 2027 හෝ 2028 වසර දක්වා ප්රමාද විය හැකි බවට මේ වන විට අනාවැකි පළ වෙමින් පවතී.
පැයට සැතපුම් 60ක වේගය තත්පර 1.9කින් (සමහර විට තත්පර 1කට අඩු කාලයකින්) ලබා ගැනීම සහ සැතපුම් 620ක ධාවන පරාසයක් වැනි අතිශය ඉහළ තාක්ෂණික දක්ෂතාවලින් මෙම රථය සමන්විත වනු ඇතැයි ටෙස්ලා පවසයි. කෙසේ වෙතත්, ටෙස්ලා රෝඩ්ස්ටර් මෙලෙස ප්රමාද වන අතරතුර Rimac, Lotus වැනි සමාගම් මෙන්ම චීනයේ BYD සහ Xiaomi වැනි සමාගම් ද අධිවේගී විද්යුත් මෝටර් රථ වෙළඳපොළ තුළ වේගයෙන් ඉදිරියට පැමිණෙමින් සිටීම විශේෂත්වයකි.
