අඛණ්ඩව තරග හතරක් ජයග්රහණය කිරීමට අපොහොසත් වී සිටි රියල් මැඩ්රිඩ් (Real Madrid) කණ්ඩායම, පසුගිය අඟහරුවාදා ඇලවෙස් (Alaves) කණ්ඩායමට එරෙහිව ගෝල 2-1 ක තීරණාත්මක ජයක් වාර්තා කිරීමට සමත් විය. සන්තියාගෝ බර්නබියු ක්රීඩාංගණයේදී පැවැති මෙම තරගයේදී කයිලියන් එම්බාපේ (Kylian Mbappe) සහ විනීෂියස් ජූනියර් (Vinicius Junior) ගෝල රැස් කරමින් සිය කණ්ඩායම යළිත් ජයග්රාහී මාවතට රැගෙන ආහ.
තරගයේ 30 වන මිනිත්තුවේදී එම්බාපේ විසින් පළමු ගෝලය වාර්තා කළ අතර මෙය පෙබරවාරි මාසයෙන් පසු ඔහු වාර්තා කළ පළමු ලීග් ගෝලයයි. ඔහු මේ වන විට ගෝල 24 ක් ලබා ගනිමින් ස්පාඤ්ඤ ලීගයේ වැඩිම ගෝල ලාභියා ලෙස පෙරමුණේ පසුවෙයි. තරගයේ 50 වන මිනිත්තුවේදී විනීෂියස් ජූනියර් විසින් දෙවන ගෝලය වාර්තා කළේය.
මෙම ජයග්රහණයත් සමඟ රියල් මැඩ්රිඩ් කණ්ඩායම ලකුණු සටහනේ පෙරමුණේ පසුවන බාර්සිලෝනා (Barcelona) කණ්ඩායමට වඩා ලකුණු 6 ක් පිටුපසින් පසුවෙයි. බාර්සිලෝනා පුහුණුකරු හාන්සි ෆ්ලික් (Hansi Flick) පවසන්නේ චැම්පියන්ස් ලීග් සිහිනය ජය ගැනීමට නම් කණ්ඩායම තුළ නායකත්ව ලක්ෂණ පෙන්වන ක්රීඩකයින් වැඩි විය යුතු බවයි.
