පොලිස්පතිතුමාගේ උපදෙස් මත දිවයින පුරා ක්රියාත්මක වන අපරාධ සහ මත්ද්රව්ය නිවාරණ විශේෂ මෙහෙයුම් මාලාව යටතේ සියලුම පොලිස් කොට්ඨාස මට්ටමින් දැවැන්ත සෝදිසි කිරීම් මාලාවක් ක්රියාත්මක කර තිබේ. ප්රාදේශීය සහ පොලිස් ස්ථාන මට්ටමින් සිදුකරන මෙම මෙහෙයුම් මඟින් අපරාධවලට සම්බන්ධ සැකකරුවන් සහ මත්ද්රව්ය ජාවාරම්කරුවන් කොටු කර ගැනීම අරමුණු කෙරේ. ඒ අනුව 2026 අප්රේල් 23 වන දින සිදු කරන ලද මෙහෙයුම්වලදී පුද්ගලයන් 27,101 දෙනෙකු පරීක්ෂාවට ලක් කර ඇති අතර විවිධ වැරදි සම්බන්ධයෙන් පුද්ගලයන් 1,609 දෙනෙකු අත්අඩංගුවට ගැනීමට පොලිසිය සමත්ව ඇත.
මෙම අත්අඩංගුවට ගත් පිරිස අතර අපරාධවලට සෘජුවම සම්බන්ධ පුද්ගලයන් 19 දෙනෙකු, දින වරෙන්තුකරුවන් 266 දෙනෙකු සහ විවෘත වරෙන්තු නිකුත් කර තිබූ පුද්ගලයන් 139 දෙනෙකු සිටින බව පොලිස් මාධ්ය ප්රකාශක කාර්යාලය සඳහන් කරයි. මීට අමතරව මාර්ග විනය සුරැකීම වෙනුවෙන් සිදුකළ වැටලීම්වලදී බීමත් රියදුරන් 127 දෙනෙකු සහ අපරික්ෂාකාරී ලෙස රිය පැදවූ 69 දෙනෙකු අත්අඩංගුවට ගෙන ඇති අතර, රථවාහන වැරදි සම්බන්ධයෙන් නඩු 4,187 ක් ගොනු කිරීමටද කටයුතු කර තිබේ. මහජන ආරක්ෂාව තහවුරු කිරීම වෙනුවෙන් මෙම විශේෂ මෙහෙයුම් ඉදිරියටත් දැඩි ලෙස ක්රියාත්මක කිරීමට පොලිස් දෙපාර්තමේන්තුව තීරණය කර ඇත.
