විදුලි බයිසිකල් ලෝකයේ දැවැන්ත වෙනසක් සිදු කරමින්, සාමාන්ය බයිසිකල්වල දක්නට ලැබෙන දාම (Chains) සහ ගියර් (Gears) සම්පූර්ණයෙන්ම ඉවත් කර, විද්යුත් සංඥා මගින් ක්රියාත්මක වන නවතම ‘Pedal-by-Wire’ පද්ධතියක් ස්පාඤ්ඤයේ Niche Mobility සමාගම විසින් හඳුන්වා දී තිබේ.
මෙම පද්ධතියේදී පැඩලය සහ පසුපස රෝදය අතර කිසිදු භෞතික සම්බන්ධතාවයක් නොමැත. රයිඩර් විසින් පැඩලය කැරකැවීමේදී මෝටරය තුළ ඇති ජෙනරේටරයක් මගින් විදුලිය නිපදවන අතර, එම විදුලිය මගින් වෙනම මෝටරයක් ක්රියාත්මක වී රෝදය කරකවනු ලබයි. පද්ධතිය ක්රියා විරහිත කර ඇති විට පැඩලය කැරකැවුවද බයිසිකලය ධාවනය කළ නොහැක.
මෙමගින් දාම නඩත්තු කිරීමේ සහ ගියර් මාරු කිරීමේ අපහසුව ඉවත් වේ. රියදුරුට ‘Easy’, ‘Flow’ සහ ‘Sweat’ වැනි මාදිලි තෝරා ගත හැකි අතර, පද්ධතිය මගින් ස්වයංක්රීයව අවශ්ය බලය ලබා දෙයි. මීට අමතරව, පසුපසට ධාවනය කිරීමේ හැකියාව (Reverse function) සහ තිරිංග යෙදීමේදී නැවත බැටරිය ආරෝපණය වීමේ (Regenerative braking) පහසුකම ද මෙයට ඇතුළත් වේ.
මෙම තාක්ෂණය විශේෂයෙන්ම නාගරික ගමන් බිමන්, භාණ්ඩ ප්රවාහනය කරන විදුලි බයිසිකල් (Cargo e-bikes) සහ සංචාරක බයිසිකල් සඳහා වඩාත් යෝග්ය වේ. පැයට කිලෝමීටර් 25 සිට 45 දක්වා වේගයකින් යුත් මාදිලි දෙකක් යටතේ මෙය නිපදවීමට සැලසුම් කර ඇත.
සාමාන්ය දාම සහිත බයිසිකල්වලට වඩා මෙහි බලශක්ති හානියක් සිදුවීමේ හැකියාව සහ නිෂ්පාදන පිරිවැය ඉහළ යාම මෙහි පවතින ප්රධාන අභියෝග වේ. කෙසේ වෙතත්, නඩත්තු කිරීමේ පහසුව අපේක්ෂා කරන පිරිස් අතර මෙය ඉතා ජනප්රිය වනු ඇතැයි විචාරකයෝ පවසති.
