සමගි ජන බලවේගයේ රත්මලාන ආසන සංවිධායකවරයා ලෙස කටයුතු කළ වෛද්ය චමල් සංජීව මහතා එම ධුරයෙන් ඉල්ලා අස්වීමට තීරණය කර තිබේ. සෞඛ්ය ක්ෂේත්රයේ ප්රමුඛ පෙළේ ක්රියාකාරිකයෙකු මෙන්ම වෘත්තීය සමිති නායකයෙකු ලෙසද ප්රකට වෛද්ය චමල් සංජීව මහතා, සිය ඉල්ලා අස්වීමේ ලිපිය පක්ෂ නායකත්වය වෙත යොමු කර ඇති බව වාර්තා වේ.
සමගි ජන බලවේගයේ ක්රියාකාරී දේශපාලනයට සම්බන්ධ වෙමින් රත්මලාන ආසනය තුළ පක්ෂය ශක්තිමත් කිරීමට ඔහු පසුගිය කාලසීමාව පුරා සක්රීයව දායකත්වය ලබා දුන්නේය. ඔහුගේ මෙම හදිසි ඉල්ලා අස්වීමට හේතුව මෙතෙක් නිල වශයෙන් ප්රකාශ කර නොමැති වුවද, ඉදිරි දේශපාලන කටයුතු පිළිබඳව ඔහු නුදුරේදීම ප්රකාශයක් කරනු ඇතැයි අපේක්ෂා කෙරේ. මැතිවරණ උණුසුම ඉහළ යමින් පවතින පසුබිමක සිදු වූ මෙම ඉල්ලා අස්වීම දේශපාලන ක්ෂේත්රය තුළ විශේෂ අවධානයකට ලක්ව ඇත.
