ඉරාන විදේශ අමාත්ය අබ්බාස් අරාග්චි මහතා අද (24) පාකිස්තානයේ ඉස්ලාමාබාද් නුවර වෙත පැමිණීමට අපේක්ෂා කරන බවට මැදපෙරදිග කලාපීය මාධ්ය වාර්තා කරයි.
අමෙරිකාව සහ ඉරානය අතර පවතින දරුණු යුද ගැටුම් නතර කිරීම සඳහා වන සාම සාකච්ඡාවලට සහභාගී වීම අමාත්යවරයාගේ මෙම සංචාරයේ ප්රධාන අරමුණයි. මෙම සාකච්ඡා සඳහා මැදිහත්කරු ලෙස පාකිස්තානය කටයුතු කරයි.
මෙම තීරණාත්මක සාකච්ඡා අද (සිකුරාදා) ආරම්භ කරන බව පාකිස්තානය මීට පෙර නිවේදනය කර තිබුණි. කෙසේ වෙතත්, අල් අරාබියා පුවත් සේවය වාර්තා කරන්නේ මෙම සාකච්ඡා මෙම සති අන්තය පුරා පැවැත්වීමට මේ වන විට අවධානය යොමුව ඇති බවයි.
දෙරට අතර පවතින නොසන්සුන්කාරී තත්ත්වය සමනය කිරීම සඳහා ජාත්යන්තර මට්ටමින් විවිධ උත්සාහයන් දරමින් සිටින පසුබිමක මෙම සංචාරය ඉතා වැදගත් වේ.
