ෆ්ලොරිඩාවේ ඕලන්ඩෝහි අලුතින් විවෘත කිරීමට සැලසුම් කර තිබූ “Sloth World” නමැති සත්ව ආකර්ෂණීය මධ්යස්ථානයකට ගෙන ආ මන්දගාමී වලසුන් (Sloths) 31 දෙනෙකු අවාසනාවන්ත ලෙස මියගොස් ඇති බව ෆ්ලොරිඩා මත්ස්ය හා වනජීවී සංරක්ෂණ කොමිසම (FWC) පවසයි. මෙම වසන්ත සෘතුවේදී මහජනතාව සඳහා විවෘත කිරීමට නියමිතව තිබූ මෙම මධ්යස්ථානය වෙත ගෙන එන ලද සතුන්ගෙන් කොටසක් ෆ්ලොරිඩාවේ ගබඩාවක රඳවා සිටියදී එහි පැවති අයහපත් තත්ත්වයන් හේතුවෙන් මියගොස් ඇති අතර, තවත් පිරිසක් මෙරටට පැමිණෙන විටත් මියගොස් හෝ අසනීප තත්ත්වයෙන් පසුවී ඇති බව වාර්තා වේ.
කෙසේ වෙතත්, Sloth World ආයතනයේ හිමිකරු වන බෙන් ඇග්රෙස්ටා මෙම චෝදනා ප්රතික්ෂේප කරමින් පවසන්නේ මරණවලට හේතුව හඳුනාගත නොහැකි වෛරසයක් බවයි. සතුන්ගේ යහපත උදෙසාම නිර්මාණය කර ඇති බව පවසන මෙම මධ්යස්ථානය තුළ මෙතරම් විශාල සතුන් සංඛ්යාවක් මියයාම පිළිබඳව මේ වන විට බලධාරීන්ගේ දැඩි අවධානය යොමු වී තිබේ. සතුන් ප්රවාහනය කිරීමේදී සහ රඳවා තැබීමේදී අනුගමනය කළ ක්රියා පටිපාටිය පිළිබඳව පුළුල් පරීක්ෂණයක් මේ වන විට ආරම්භ කර ඇත.
