දේශපාලන අවශ්යතා මත වෙසක් පොහොය දිනය සංශෝධනය කර ඇති බවට කෝට්ටේ ශ්රී කල්යාණි සාමග්රී ධර්ම මහා සංඝ සභාවේ අනුනායක, මහාචාර්ය පූජ්ය කොටපිටියේ රාහුල හිමියන් චෝදනා කරති.
මැයි 01 වනදාට යෙදී ඇති මැයි දින සැමරුම් පැවැත්වීමේ දේශපාලන උවමනාව මත, රජය විසින් වෙසක් පුන් පොහොය දිනය මැයි 30 වනදාට කල් දමා ඇති බව උන්වහන්සේ පෙන්වා දෙති. වෙසක් පොහොය දිනය යනු ආණ්ඩුවකට අයත් දෙයක් නොවන බව උන්වහන්සේ මෙහිදී අවධාරණය කළහ.
මෙම දින සංශෝධනය සම්බන්ධයෙන් මහානායක හිමිවරුන් ද අදහස් දක්වා ඇති බැවින්, උන්වහන්සේලාගේ තීරණයට තමන් වහන්සේ විරුද්ධත්වයක් හෝ අගෞරවයක් සිදු නොකරන බව ද අනුනායක හිමියෝ පැවසූහ.
වෙසක් දිනය රජය විසින් කල් දැමුවද, මැයි 01 වනදා දිනය පුරාම සුපුරුදු පරිදි ආගමික වත්පිළිවෙත්වල නිරත වන ලෙස උන්වහන්සේ බෞද්ධ ජනතාවගෙන් ඉල්ලා සිටිති. එසේම, මැයි 30 වනදා රජය ප්රකාශ කර ඇති පරිදි වෙසක් උත්සව පවත්වන ලෙස ද උන්වහන්සේ වැඩිදුරටත් දැනුම් දුන්හ.
