මහා භාණ්ඩාගාරයේ මුදල් අස්ථානගත වීම පිළිබඳ තොරතුරු අනාවරණය වූ වහාම මුදල් අමාත්යාංශ ලේකම්වරයා විසින් ඒ බව ජනාධිපතිවරයාට හෝ පාර්ලිමේන්තුවට වාර්තා නොකිරීම බරපතළ සැකයකට කරුණක් බව පේරාදෙණිය විශ්ව විද්යාලයේ ආර්ථික විද්යා අධ්යයන අංශයේ මහාචාර්ය වසන්ත අතුකෝරළ මහතා පවසයි.
මහාචාර්යවරයා පෙන්වා දෙන පරිදි මෙරට මූල්ය පද්ධතිය තුළ පවතින ප්රධාන ගැටලු කිහිපයක් මෙසේය.
ණය දත්ත පද්ධතියේ පවතින අඩුපාඩු
ජාත්යන්තර මූල්ය අරමුදල (IMF) මැදිහත් වී 2021 වසරේ සිට ලබාගත් ණය පිළිබඳ විධිමත් දත්ත පද්ධතියක් සකසා තිබුණද, ඊට පෙර ශ්රී ලංකාව ලබාගත් ණය සහ ඒවා ආපසු ගෙවූ ආකාරය පිළිබඳ නිසි තොරතුරු රජය සතුව නොමැති වීම මූල්ය පද්ධතියේ පවතින බරපතළ ගැටලුවකි.
අතීත මූල්ය ගනුදෙනු පිළිබඳ සැකය
දැනට අනාවරණය වී ඇති මුදල් අස්ථානගත වීම මෙන්ම, 2021 වසරට පෙර විදේශ ණය වාරික ගෙවීමේදී ද මෙවැනි මූල්ය අක්රමිකතා හෝ මුදල් අස්ථානගත වීම් සිදුව ඇත්දැයි වහාම සොයා බැලිය යුතු බව මහාචාර්යවරයා අවධාරණය කරයි.
රටක මූල්ය විනය සහ විනිවිදභාවය ආරක්ෂා කිරීම සඳහා මෙවැනි සිදුවීම් පිළිබඳව වගකිවයුතු නිලධාරීන් ක්ෂණිකව ක්රියාත්මක විය යුතු වුවත්, මෙම සිද්ධියේදී තොරතුරු වසන් කිරීම හරහා මූල්ය පාලනය පිළිබඳ මහජන විශ්වාසය බිඳ වැටී ඇති බව ඔහුගේ ප්රකාශයෙන් ගම්ය වේ.
